Gujarati News

નવી દિલ્હી,તા. ૨૫: દુનિયામાં કેટલાક લોકો એવા પણ હોય છે જે નાની નાની બાબતોથી હતાશ થઈ જાય છે. તેઓ આ બાબતોથી હારીને દુનિયા છોડી દેવાનું વિચારે છે. પરંતુ કેટલાક લોકો એવા છે કે જે તેમની ખામીઓને પોતાની શકિત બનાવે છે.

અમેરિકામાં રહેતી એક ડિસેબલ ફેશન મોડેલે તેની ઉણપને તેની સફળતાની દિશામાં અણચણરૂપ બનવા દીધી નહીં. આ જ કારણ છે કે તે આજે સફળતાનો સ્વાદ ચાખી રહી છે. ૨૩ વર્ષીય મહોગનીનો જન્મ હાથીનાં પગ એટલે Lymphedema સાથે થયો હતો. આ બીમારીનાં કારણે તેના શરીરમાં એકસેસ લિકિવડ એકઠા થઈ ગયા અને શરીરનાં સોફ્ટ ટિશ્યૂ પર ટાર્ગેટ કરવા લાગ્યો જેના કારણે તેના શરીરનો ડાભો ભાગમાં સોજો થવા લાગ્યો. સ્થિતિ એવી થઈ ગઈ કે તેનો ડાબો પગ સખત રીતે વિસ્તૃત થઈ ગયો.

આ ઉણપને અપનાવીને મહોગની પાસે તેની સાથે રહેવાનો વિકલ્પ બચ્યો હતો. જો કે આજે તે ગર્વથી તેના પગ બતાવે છે. જયારે શરૂઆતમાં, મહાગોનીને આ ઉણપને કારણે દ્યણી તકલીફો પડતી હતી, પરંતુ ધીરે ધીરે તેણીએ પોતાને પ્રેમ કરવાનું શરૂ કર્યું. આજે, ઇન્સ્ટાગ્રામ સિવાય, મહોગનીએ તેના શકિતશાળી ફોટા યુટ્યુબ અને દ્યણાં સોશિયલ મીડિયા પ્લેટફોર્મ પર શેર કર્યા છે. આ તસવીરોમાં તે ગર્વથી પગ બતાવે છે. જણાવી દઇએ કે, મહોગનીનાં આ રોગનો કોઈ ઈલાજ નથી. જન્મ સાથે, આ રોગનાં કારણે તેને ખૂબ પીડા થાય છે. પરંતુ તેની પાસે આ પીડા સહન કરવા સિવાય બીજો કોઇ વિકલ્પ બન્યો ન હતો. તેના એક પગનું વજન લગભગ ૪૫ કિલો છે. તેણી આ સોજાને રોકવા માટે દ્યણા ઉપચાર અને દ્યણા મસાજ સેશન લે છે. આ ઉપરાંત, તે વધુ પાણી પીવે છે અને નાસ્તો અને દારૂ ખાવાનું ટાળે છે. આ પછી પણ, તેને પગમાં ઘણી પીડાનો સામનો કરવો પડે છે.

જોકે, મહોગનીએ આત્મવિશ્વાસ સાથે તેની યાત્રા ચાલુ રાખી છે, પરંતુ દ્યણા લોકો તેને સોશિયલ મીડિયા પર ટ્રોલ કરે છે. પગને કારણે, લોકો તેને દ્યણી બધી વાતો સંભળાવે છે. દ્યણા લોકો તેને પગ કાપી નાખવાની સલાહ આપે છે. આનાથી તેણીને ખરાબ લાગે છે પરંતુ તે આ કોમેન્ટ્સ સાથે આજે પણ ખુશીથી જીવે છે. ત્રણ બહેનોમાં સૌથી નાની મહોગનીએ જણાવ્યું હતું કે અગાઉ તે વિચારતી હતી કે તેણીને શ્રાપ આપવામાં આવ્યો છે પરંતુ હવે તે તેને એક વરદાન માને છે. તે તેના જીવનમાં ખુશ છે અને અન્યને પણ પ્રેરણા આપે છે.