Gujarati News

Gujarati News

News of Friday, 25th May 2018

સીબીએસઈ ધોરણ ૧૨નું પરિણામ કાલે જાહેર થશે

૧૧ લાખથી પણ વધુ વિદ્યાર્થીઓ નોંધાયા હતા : ધોરણ ૧૨ની પરીક્ષામાં ભારતમાં ૪૧૩૮ સેન્ટરો રહ્યા હતા : ભારતની બહાર ૭૧ સેન્ટરો નોંધાયા હતા : હેવાલ

નવીદિલ્હી,તા. ૨૫ : સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઈ)માં ધોરણ ૧૨નું પરિણામ આવતીકાલે જાહેર કરવામાં આવનાર છે. ધોરણ ૧૦નું પરિણામ પણ ટૂંક સમયમાં જ જાહેર કરવામાં આવનાર છે. ધોરણ ૧૦નું પરિણામ જૂન મહિનામાં પ્રથમ સપ્તાહમાં જાહેર કરવામા આવી શકે છે. આ વર્ષે સીબીએસઈ ધોરણ ૧૦ અને ધોરણ ૧૨ની પરીક્ષામાં ૨૮ લાખ જેટલા વિદ્યાર્થીઓ નોંધાયા હતા. ધોરણ ૧૦ની પરીક્ષામાં ૧૬૩૮૪૨૦ વિદ્યાર્થીઓ નોંધાયા હતા. આ વિદ્યાર્થીઓ સમગ્ર ભારતમાં ૪૪૫૪ સેન્ટરો પર પરીક્ષા આપી હતી જ્યારે ૭૮ સેન્ટર વિદેશમાં નોંધાયા હતા. ધોરણ ૧૨ માટે ૧૧૮૬૩૦૬ વિદ્યાર્થીઓ નોંધાયા હતા. આ વિદ્યાર્થીઓએ ભારતમાં ૪૧૩૮ સેન્ટરો પર પરીક્ષા આપી હતી. ભારતની બહાર ૭૧ સેન્ટર પર પરીક્ષા આપી હતી. સીબીએસઈની વેબસાઈટ ઉપર જઇને પરિણામ જોઇ શકાશે. અત્રે નોંધનીય છે કે, ધોરણ ૧૨ની પરીક્ષા પાંચમી માર્ચથી ૧૩મી એપ્રિલ દરમિયાન લેવાઈ હતી. આ વખતે આંકડા દર્શાવે છે કે, વધુ વિદ્યાર્થીઓ દ્વારા સીબીએસઈ કાઉન્સિલિંગની મદદ લેવામાં આવી હતી. દબાણ સંબંધિત પ્રશ્નો કરવામાં આવ્યા હતા. પરિણામને લઇને વિદ્યાર્થીઓમાં ઉત્સુકતા વધી ગઈ છે. આવતીકાલે સીબીએસઇ દ્વારા ધોરણ-૧૨નું પરિણામ જાહેર કરવાની જાહેરાત પણ કરવામાં આવી છે. સીબીએસઇની વેબસાઇટ પરથી ધોરણ-૧૨ના સીબીએસઇના વિદ્યાર્થીઓ અને વાલીઓ તેમનું પરિણામ જોઇ શકશે. સીબીએસઇ ધોરણ-૧૨માં દેશભરમાંથી ૧૩.૮૬ લાખ વિદ્યાર્થીઓએ પરીક્ષા આપી હતી.  આ વખતે સીસીટીવી કેમેરા અને અન્ય આધુનિક સાધનો વચ્ચે બોર્ડની પરીક્ષા લેવામાં આવી હતી. દેશભરમાં વિદ્યાર્થીઓ પૈકી કોણ બાજી મારે છે તેને લઇને પણ ચર્ચા છે.

(7:42 pm IST)
  • સુપ્રીમ કોર્ટમાં તામિલનાડુના તુતીકોરીનમાં સ્ટરલાઇટ વિરુદ્ધ રેલી દરમિયાન પ્રદર્શનકારીઓને મોત મામલે કોર્ટની દેખરેખ હેઠળ સીબીઆઈ તપાસની માંગ :વકીલ જીએસ મણીએ જનહિત અરજી દાખલ કરી :અરજીમાં તુતીકોરીન જિલ્લાધીશ,પોલીસ અધિક્ષક,અને અન્ય પોલીસ અધિકારીઓ વિરુદ્ધ હત્યાના આરોપ ઘડવા અનુરોધ કર્યો છે :આગામી સપ્તાહે સુનાવણી access_time 1:04 am IST

  • ચોમાસાનાં શુભ-સમાચાર : ચોમાસું દક્ષિણ આંદામાનમાં બેસી ગયું : હવે ટૂંક સમયમાં જ કેરળની વાટ પકડશે : ત્યાંથી કોંકણ માર્ગે થઈને મુંબઈ સહિત સમગ્ર મહારાષ્ટ્રમાં પ્રવેશશે access_time 4:51 pm IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST