Gujarati News

નવી દિલ્‍હી,તા. ૨૫: ઈન્‍ડિયન પ્રીમિયર લીગ ૨૦૨૩ની શરૂઆત થવાની છે અને એક ફેન્‍ટસી ક્રિકેટ એપને લોન્‍ચ કરવાનો તેનાથી વધુ સારો સમય ન હોઈ શકે. ભારતપે અને થર્ડ યુનિકોર્નના કો-ફાઉન્‍ડર અશનીર ગ્રોવર આ પ્રસંગનો પૂરો લાભ ઉઠાવતા જોવા મળી રહ્યા છે. અશનીરે CrickPe નામથી ક્રિકેટ ફેન્‍ટસી એપ લોન્‍ચ કરી છે.

અશનીરે આ એપ પોતાના ટ્‍વિટર હેન્‍ડલ દ્વારા લોન્‍ચ કરી છે અને તેને આઈપીએલ પછીનું સૌથી મોટું રિવોલ્‍યુશન જણાવ્‍યું છે. તેમણે પોતાના ટ્‍વિટર અકાઉન્‍ટ પર લખ્‍યું છે કે, ‘માત્ર ફેન્‍ટસી ગેમ ક્રિકેટર્સને તેમના પરફોર્મન્‍સ માટે પે કરશે.જયારે તમે જીતશો તો ક્રિકેટર પણ જીતશે.'

શાર્ક ટેન્‍ક ઈન્‍ડિયાના જજ અને ઈન્‍વેસ્‍ટરે પોતાની ટ્‍વિટમાં ગૂગલ પ્‍લે સ્‍ટોર અને એપ્‍પલ સ્‍ટોરની ડાઉનલોડ લિંક્‍સ પણ આપી છે. ગૂગલ સ્‍ટોર પર CrickPe એપ એવી એપ બતાવાઈ છે, જેમાં હકીકતમાં રમી રહેલા ક્રિકેટર્સ અને ક્રિકેટ બોડીઝ પણ કેશ એવોર્ડ્‍સ જીતશે.

તેમાં લખ્‍યું છે કે, ‘CrickPe ભારતની સૌથી ખાસ અને પાવરફુલ ફેન્‍ટસી ક્રિકેટ ગેમિંગ એપ છે, જયાં ક્રિકેટની રોજ જીત થશે. તે દુનિયાની એકમાત્ર એવી ફેન્‍ટસી એપ છે, જયાં દરેક મેચમાં ફેન્‍ટસી ગેમ વિનર્સની સાથે અસલી ક્રિકેટર્સ, ક્રિકેટિંગ બોડીઝ અને અસલ ટીમના માલિક પણ કેશ રિવોર્ડસ જીતશે.' CrickPe, ત્રીજી યૂનિકોર્ન પ્રોડક્‍ટ કુલ ફંડ્‍સમાંથી ૧૦ ટકા પ્‍લેટફોર્મ ફી ચાર્જ કરશે. આ એપની ખાસિયત છે કે, યૂઝર્સ પોતાના ફેવરેટ ક્રિકેટરને કેશ પ્રાઈઝ મોકલી શકશે. યૂઝર્સ પ્રતિ ખેલાડી પ્રતિવર્ષ રૂ.૧૦૦થી લઈને ૧ લાખ સુધી મોકલી શકશે, પરંતુ યૂઝરે મોકલેલી રકમ સ્‍વીકારવી કે નહીં તે ક્રિકેટર્સના હાથમાં હશે.

IPL ૨૦૨૩ અમદાવાદના નરેન્‍દ્ર મોદી સ્‍ટેડિયમમાં ૩૧ માર્ચથી શરૂ થશે. તે CrickPeના લોન્‍ચના ૮ દિવસ પછી શરૂ થશે. આ એપને માર્કેટમાં ત્‍યારે લવાઈ જયારે ડ્રીમ ૧૧, મોબાઈલ પ્રીમિયર લીગ, માય૧૧સર્કલ અને ગેમ્‍સ૨૪×૭ જેવી એપ્‍સ પહેલેથી જ માર્કેટમાં છે. એવામાં અશનીરને આ એપને આગળ વધારવામાં ઘણા પડકારોનો સામનો કરવો પડશે.