Gujarati News

મુંબઇ,તા. ૨૫ : મુંબઈના ગ્રાન્‍ટ રોડવિસ્‍તારમાં એક વ્‍યક્‍તિએ ૫ લોકોની ચાકુ મારીને હત્‍યા કરી હતી, જેમાંથી ચાર લોકોના મોત થયા હતા. સ્‍પેશિયલ સેલે આ વાતની પુષ્ટિ કરી છે. આરોપીની ધરપકડ કરવામાં આવી છે. હત્‍યાનું કારણ હજુ સુધી જાણી શકાયું નથી. આ શખ્‍સે જાહેરમાં પાંચ લોકોને માર માર્યો હતો. ઘટના બાદ અફરાતફરીનો માહોલ સર્જાયો હતો. ઘાયલોને નજીકની રિલાયન્‍સ હોસ્‍પિટલમાં દાખલ કરવામાં આવ્‍યા હતા, જેમાંથી પહેલા બે લોકોના મોત થયા હતા, ત્‍યારબાદ બે લોકોએ સારવાર દરમિયાન દમ તોડી દીધો હતો. હુમલાખોરને પોલીસે સ્‍થળ પરથી જ પકડી લીધો છે.

એક બિલ્‍ડીંગના બીજા માળની ગેલેરીમાં ચડીને એક શખ્‍સે એક પછી એક ૫ યુવકોને માર માર્યો હતો. બધા તેને જોઈને આﾍર્યચકિત થઈ ગયા. આરોપીનું નામ ચેતન ગાલા છે અને તેની ઉંમર ૫૪ વર્ષ હોવાનું કહેવાય છે. આ ઘટનાનું કારણ હજુ સ્‍પષ્ટ થયું નથી.

પોલીસે પાર્વતી મેન્‍શન બિલ્‍ડિંગના બીજા માળને સંપૂર્ણ રીતે સીલ કરી દીધો છે, જયાં આ ઘટના બની હતી. ફોરેન્‍સિક ટીમને બોલાવવામાં આવી છે અને તપાસ ચાલુ છે. પોલીસ આરોપીની સતત પૂછપરછ કરી રહી છે.