Gujarati News

Gujarati News

News of Sunday, 25th February 2018

અમેરિકાની ટ્રમ્‍પ સરકારે H-1B વીઝા નિયમો વધુ કડક બનાવ્‍યાઃ ભારતીય આઇ.ટી.કંપનીઓના થર્ડ પાર્ટી વર્કસાઇટ ઉપર કામ કરતા કર્મચારીઓના વીઝાની મુદત ઘટવાની શકયતા

અમેરિકાની ટ્રમ્‍પ સરકારે H-1B વીઝાના નિયમો વધુ કડક બનાવ્‍યા છે.જેની અસર ભારતીય કંપનીઓ ઉપર પડશે તેવું જણાય છે. ખાસ કરીને એક કરતાં વધુ કલાયન્‍ટસ માટે કામ કરતી ભારતની કંપનીઓ તથા તેના કર્મચારીઓ ઉપર આ નવા નિયમો અવળી અસર કરશે તેવું સમાચાર સૂત્રો દ્વારા જાણવા મળે છે.

પ્રાપ્ત માહિતી મુજબ નવી પોલીસીની અસર ભારતીય આઇ.ટી.કંપનીઓ કે જેઓ H-1B વીઝાનો લાભ લ્‍યે છે. તથા જેના કર્મચારીઓ થર્ડ પાર્ટી વર્કસાઇટ ઉપર કામ કરે છે. તેમના ઉપર વિશેષ જોવા મળશે. આ કંપનીઓ બેન્‍કીંગ, ટ્રાવેલ તથા કોમર્શીયલ સેવાઓ માટે ભારતના ઓનલાઇન આઇટી કારીગરો ઉપર નિર્ભર છે.

આ નવી પોલીસી હેઠળ યુ.એસ. સિટીઝનશીપ એન્‍ડ ઇમીગ્રેશન સર્વિસીસ (USCIS) દ્વારા H-1B વીઝા એટલા સમય પૂરતા જ અપાશે કે જેટલો સમય કર્મચારીઓ પર્ડ પાર્ટી વર્કસાઇટ ઉપર નિયુક્‍ત કરવામાં આવ્‍યા હોય જે ૩ વર્ષ  કરતા ઓછા સમય માટે પણ હોઇ શકે છે.

અત્‍યાર સુધી H-1B વીઝા એક વખતમાં ૩ વર્ષ માટે અપાતા હતા જેનો સમયગાળો હવે ઉપરોક્‍ત પોલીસીના કારણે ઘટી પણ શકે છે.

નવી પોલીસીની અસર ભારતના શેર બજાર ઉપર પણ જોવા મળી રહી છે. જે મુજબ આવી આઇ.ટી.કંપનીઓના શેરોમાં વેચવાલીનો દોર ચાલુ થઇ ગયો હોવાનું સમાચાર સૂત્રો દ્વારા જાણવા મળે છે.

(10:45 am IST)
  • ચીને બનાવ્યું હાયપરસોનિક જેટ વિમાન : કલાકના ૬ હજાર કિ.મી.ની ઝડપે ઉડશે : માત્ર ર કલાકમાં ન્યુયોર્ક પહોંચાડી દેશે access_time 11:53 am IST

  • મેઘાલયમાં ચૂંટણીના પ્રચાર પડઘમ બંધ :મંગળવારે મતદાન :3જી માર્ચે મતગણતરી :ભાજપ અને કોંગ્રેસ વચ્ચે સીધો મુકાબલો :60 પૈકી 59 બેઠકો માટે થશે મતદાન :ચૂંટણી પંચ દ્વારા તમામ તૈયારીઓ પૂર્ણ access_time 11:27 pm IST

  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST