Gujarati News

Gujarati News

News of Monday, 25th January 2021

હલવા સેરેમની સાથે બજેટ-૨૦૨૧ની તૈયારીઓ શરૂ

કેન્દ્રીય બજેટ ૨૦૨૧-૨૨ પ્રથમવાર ડિજિટલ મળશે : પારંપરિક હલવા સેરેમની સાથે પહેલી ફેબ્રુઆરીએ રજૂ થનારા બજેટના ડોક્યુમેન્ટ્સનું સંકલન શરૂ થઈ ગયું છે

નવી દિલ્હી, તા. ૨૪ : બજેટ દસ્તાવેજોના સંકલનની પ્રક્રિયા શનિવારે પારંપરિક હલવા સમારંભના આયોજન સાથે શરૂ થઈ ગઈ. આ સમારંભમાં નાણામંત્રી નિર્મલા સીતારમણ, નાણા રાજ્યમંત્રી અનુરાગ ઠાકુર અને નાણા મંત્રાલયના સીનિયર અધિકારીઓએ ભાગ લીધો.

કોરોના માહામારીને પગલે આ વખતે દર વખતની જેમ દસ્તાવેજો છાપવામાં નહીં આવે. તેના બદલે આ વખતે સાંસદોને બજેટ દસ્તાવેજ ડિજિટલ સ્વરૂપમાં આપવામાં આવશે. આ પહેાલ દર વર્ષે હલવા સમારંભના આયોજનથી બજેટ દસ્તાવેજોનું પ્રકાશન શરૂ થતું હતું. આ વખતે પહેલી વાર એવું બનશે કે બજેટ દસ્તાવેજોનું પ્રકાશન નહીં થાય.

નાણા મંત્રાલયે એક સ્ટેટમેન્ટમં કહ્યું કે, 'એક અભૂતપૂર્વ પહેલ અંતર્ગત કેન્દ્રીય બજેટ ૨૦૨૧-૨૨ પહેલી વખત ડિજિટલ રીતે લોકોને મળશે. બજેટ એક ફેબ્રુઆરીએ રજૂ થવાનું છે.' આ પ્રસંગે નાણા મંત્રી સીતારમણે યુનિયન બજેટ મોબાઈલ એપ પણ રજૂ કરી, જેથી સંસદ તેમજ સામાન્ય લોકો કોઈ મુશ્કેલી વિના ડિજિટલ રીતે બજેટ દસ્તાવેજ મેળવી શકે. આ મોબાઈલ એપમાં વાર્ષિક નાણાકીય વિવરણ (બજેટ), ગ્રાન્ટની માંગ (ડીજી), નાણા બિલ વગેરે સહિત બંધારણ દ્વારા નિર્ધારિત ૧૪ કેન્દ્રીય બજેટ દસ્તાવેજ ઉપલબ્ધ કરાવાશે. હલવા સમારંભમાં નાણા સચિવ અજય ભૂષણ પાંડે, આર્થિક બાબતોના સચિવ તરુણ બજાજ, નાણાકીય સેવા સચિવ દેબાશીષ પાંડા, દીપમના સચિવ તુહિન કાંત પાંડે, એક્સપેન્ડિચર સચિવ ટીવી સોમનાથન, મુખ્ય આર્થિક સલાહકાર કેવી સુબ્રમણ્યમ અને બજેટની તૈયારી તેમજ સંકલન પ્રક્રિયામાં સામેલ અન્ય સીનિયર અધિકારી પણ ઉપસ્થિત હતા.

સ્ટેટમેન્ટમાં કહેવાયું કે, 'નાણા મંત્રીએ બાદમાં કેન્દ્રીય બજેટ ૨૦૨૧-૨૨ના સંકલનની સ્થિતિની સમીક્ષા કરી અને સંબંધિત અધિકારીઓને શુભકામનાઓ આપી.' તેમાં કહેવાયું કે, એપમાં ડાઉનલોડિંગ, પ્રિન્ટિંગ, સર્ચ, ઝૂમ ઈન, ઝૂમ આઉટ સહિત ઘણા ફીચર્સ અપાયા છે. આ એપને કેન્દ્રીય બજેટ વેબ પોર્ટલ (ઈન્ડિયા બજેટ ડોટ જીઓવી ડોટ ઈન) પરથી પણ ડાઉનલોડ કરી શકાય છે.

આ એપને આર્થિક મામલાના વિભાગના માર્ગદર્શનમાં રાષ્ટ્રીય સૂચના વિજ્ઞાન કેન્દ્ર (એનઆઈસી) દ્વારા વિકસિત કરાઈ છે. સ્ટેટમેન્ટ મુજબ, એક ફેબ્રુઆરીએ સંસદમાં નાણા મંત્રીએ બજેટ ભાષણ પુરું થયા બાદ બજેટ દસ્તાવેજ આ મોબાઈલ એપ પર ઉપલબ્ધ હશે.

(12:00 am IST)
  • માઉન્‍ટ આબુમાં તાપમાન માઇનસ-૨ પર પહોંચ્‍યું : માઉન્‍ટ આબુમાં ઘરની બહાર ભરીને મુકેલું પાણી પણ બરફ બની ગયું: પ્રવાસીઓ સવારે વહેલા બરફ જોવા હોટલમાંથી બહાર નીકળ્‍યા access_time 4:47 pm IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST

  • એરપોર્ટ, હોસ્પિટલો અને બેન્કીંગ સહિત ૫ થી ૭ ક્ષેત્રોમાં ગેમ ચેન્જર સાબિત થાય તેવા મોટા ફેરફારો આવી રહ્યા છે : ગેમ ચેન્જર સાબિત થાય તેવી ૫ થી ૭ નવી નીતિઓ ઘડવા ઉપર નાણામંત્રાલય રાત - દિવસ કામ કરી રહ્યાનું પણ જાણવા મળે છે : જેમાં એરપોર્ટો - હોસ્પિટલો, લોજીસ્ટીકસ અને ઈવીનો સમાવેશ થતો હોવાનું ન્યુઝ ફર્સ્ટ જણાવે છે : બેન્કીંગ સેકટર માટે નવા નિયમો ઉપર પણ નાણામંત્રાલય કામ કરી રહેલ છે : બેન્કીંગ સેકટરમાં બેન્કો વચ્ચેના વધુ જોડાણો અને ખાનગીકરણની દિશામાં પગલા લેવાઇ રહ્યાનું પણ જાણવા મળે છેઃ ન્યુઝ ફર્સ્ટના અહેવાલ પ્રમાણે આગામી અંદાજપત્રમાં આ જાહેરાતો થવાની સંભાવના છે access_time 3:08 pm IST