Gujarati News

Gujarati News

News of Tuesday, 24th November 2020

કોરોનાના કારણે મિશન 'ગગનયાન' એક વર્ષ મોડુ

ઇસરોનું અંતરિક્ષનું માનવ મિશન રોબોટ 'વ્યોમમિત્રા'ને મોકલ્યા બાદ જ લોન્ચ કરાશે

બેંગલુરૃઃ મહત્વકાંક્ષી માનવ મિશન 'ગગનયાન'ના પહેલા તબક્કા હેઠળ માનવરહિત અંતરિક્ષ મિશન પ્રક્ષેપણ હવે આવતા વર્ષના અંત સુધીમાં થવાની સંભાવના છે. યોજના લગભગ એક વર્ષ મોડી ચાલી રહી છે. મીશનને ડીસેમ્બર-૨૦૨૦માં પુરૂ કરવાનું હતુ અને એની સાથે માનવ રોબોટ 'વ્યોમમિત્રા'ને પણ મોકલવાની યોજના હતી.

કોરોનાના કારણે મોડુ થતા આવતા વર્ષના અંતમાં લોન્ચીંગ થાય તેવી શકયતા છે. આ સીવાય ઇસરો બીજુ માનવ રહિત મિશન ૨૦૨૨માં લોન્ચ કરશે. પૂર્વ યોજના મુજબ 'વ્યોમમિત્રા' સાથે પહેલુ માનવરહિત મિશન ડીસેમ્બર-૨૦ અને બીજુ જુન-૨૦૨૧માં લોન્ચ થવાનું હતું. માનવ મિશન ડીસેમ્બર-૨૦૨૧માં લોન્ચ કરવાની યોજનાને ૨૦૨૨ સુધી લંબાવી દેવાઇ છે હજુ તેમાં વિલંબની સંભાવના છે.

ઊંચી થ્રસ્ટ આપતા ક્રોસ પ્રણોદક બુસ્ટર એસ-૨૦૦ જીએસએલવી માર્ક-૩ રોકેટનું પહેલુ ચરણ હોય છે. જેનો વ્યાસ ૩.૨ મીટર, ઊંચાઇ ૮.૫ મીટર અને વજન ૫.૫ ટન છે. ઇસરોના જણાવ્યા પ્રમાણે બુસ્ટરની મોટર કેસ તૈયાર થવી માનવરહિત મિશનની પ્રક્ષેપણની દિશામાં પહેલું મહત્વનું પગલું છે.

ઇસરોના અધ્યક્ષ કે. શીવન મુજબ આગળનું પગલુ મિશન માટે જરૂરી તમામ પ્રણાલીઓ અને હાર્ડવેરને માનવ રેટીંગ બનાવવાનું છે. માનવ રેટીંગ પ્રક્ષેપણ યાન તેને માનવામાં આવે છે, જેની વિશ્વસનીયતા ૦.૯૯ છે. જયારે ઇસરો ક્રુએસ્કેપ પ્રણાલી માટે ૦.૯૯૮ થી વધુ વિશ્વસનીયતા મેળવવા માંગે છે. જેથી શંકાની કોઇ જગ્યા ન રહે.

(1:21 pm IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST