Gujarati News

Gujarati News

News of Tuesday, 24th November 2020

પત્નીને ફોન પર ટ્રિપલ તલાક આપ્યા :પતિ સામે ગુનો

પુણે,તા. ૨૪:  ફોન પર ટ્રિપલ તલાક આપવા બદલ અહમદનગરની મહિલાએ મુંબઈમાં રહેતા તેના ૩૨ વર્ષના પતિ વિરુદ્ઘ પોલીસમાં ફરિયાદ નોંધાવી હતી. ૩૧ વર્ષની મહિલા નોકરી અર્થે દુબઇ ગઇ હતી અને હાલ તે અહમદનગરમાં રહે છે.

મહિલાને ૨૦ નવેમ્બરે તેના પતિએ ફોન કરીને કહ્યું હતું કે હું તારી સાથે કોઇ સંબંધ રાખવા માગતો નથી અને તારી સાથે રહેવા પણ માગતો નથી. બાદમાં તેણે પત્નીને ફોન પર તલાક આપ્યા હતા, એમ પોલીસે કહ્યું હતું.

મહિલાએે શનિવારે ભિંગર કેમ્પ પોલીસ સ્ટેશનમાં ફરિયાદ નોંધાવી હતી, જેને આધારે પોલીસે પતિ વિરુદ્ઘ ગુનો દાખલ કર્યો હતો.

ફરિયાદી મહિલાએ બ્યૂટી પાર્લર સંબંધી કોર્સ કર્યો હતો અને તે મુંબઈમાં કામ કરતી હતી. જોકે તે બાદમાં દુબઇ ગઇ હતી અને તાજેતરમાં તે અહમદનગર આવી હતી, જયાં તેનો ફ્લેટ છે. દંપતીને ત્રણ વર્ષની બાળકી છે, એમ પોલીસે જણાવ્યું હતું.

(10:11 am IST)
  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST