Gujarati News

રાજકોટ : વૈશ્વિક મહામારી કોરોનાના નવા પોઝિટિવ કેસોમાં વધારો થવાની સાથે મોતનો આંક પણ વધી રહ્યો છે. રાજકોટની સિવિલ અને ખાનગી હોસ્પિટલમાં ગઇકાલે ૮ દર્દીના જીવ હણયા હતાં. એ પછી આજે બપોર સુધીમાં વધુ 10 દર્દીના શ્વાસ કોરોનાને કારણે થંભી ગયા છે. સિવિલના કોવિડ સેન્ટરમાં સાંજથી આજ સવાર સુધીમાં 9 દર્દીઓ તથા ખાનગી હોસ્પિટલમાં એક દર્દીનું મોત થયું છે. તે સાથે છ દિવસનો મૃત્યુ આંક 41 થયો છે

જાણવા મળ્યા મુજબ રાજકોટના માધાપરના હંસાબેન વેલજીભાઇ બગદાણી (ઉ.વ.૪૬), આકાશવાણી ચોકના ધનીબેન મોહનભાઇ ચાવડા (ઉ.વ.૬૨), જુનાગઢના હમીદાબેન સુલેમાનભાઇ ખાડીયા (ઉ.વ.૬૫), લીંબડીના લાલજીભાઇ મુળજીભાઇ  જાદવ (ઉ.વ.૮૨), વાંકાનેર જોધપરના ગોવિંદભાઇ હમીરભાઇ તોરીયા (ઉ.વ.૬૩), લીંબડીના બિન્દુબેન અલ્પેશભાઇ શાહ, ભચાઉના ભારતીબેન સૂર્યકાંતભાઇ બેલાણી (ઉ.વ.૬૨)ના સિવિલ હોસ્પિટલમાં અને જોરાવરનગરના કુમારભાઇ કાંતિભાઇ શાહ (ઉ.વ.૬૦)નું ખાનગી હોસ્પિટલમાં મોત થયું છે.ગોંડલના ગુંદાળા રોડ પર રહેતાં અંકિતાબેન પાર્થભાઇ (ઉ.વ.૨૬)નું રાજકોટ સિવિલ હોસ્પિટલ કોવિડ સેન્ટરમાં મોત થયું છેઃ આજના કુલ ૯ મોતમાંથી ૮ મોત સિવિલ હોસ્પિટલમાં થયા જામજોધપુરના મનહરલાલ અમૃતલાલ રાજાણી (ઉ.વ.૭૧)નું સિવિલ હોસ્પિટલમાં મોત થયું છે આજના એક જ દિવસમાં દસ મોતથી ફફડાટ ફેલાયો છે દસમાંથી એક મોત ખાનગી હોસ્પિટલમાં અને ૯ મોત સિવિલમાં થયા છે