Gujarati News

Gujarati News

News of Tuesday, 24th April 2018

ઉત્તર પ્રદેશના શામલીમાં દલિત યુવકે લગ્ન માટે મુસ્લિમ ધર્મ અંગીકાર કર્યોઃ જો કે હિન્‍દુ સંગઠનોએ યુવકને ફરી વાર હિન્‍દુ ધર્મ અપનાવી લેવા મનાવી લીધો

શામલીઃ ઉત્તર પ્રદેશના એક દલિત યુવકે લગ્ન માટે મુસ્લિમ ધર્મ અંગીકાર કર્યો હતો. બાદમાં હિન્‍દુ સંગઠનોએ તેને સમજાવીને ફરી વખત હિન્દુ ધર્મ અપનાવી લેવા મનાવી લીધો હતો.

દલિત યુવકે ધર્મ પરિવર્તન કર્યો હોવાની માહિતી મળતાં હિંદુ સંગઠનોમાં ખળભળાટ મચી જવા પામ્યો હતો. જેને પગલે બજરંગ દળ અને હિંદુ સંગઠનના લોકો દલિત યુવકના ઘરે પહોંચી ગયા હતા અને યુવકને ફરી હિંદુ ધર્મ અપનાવી લેવા કહ્યું હતું.

આ ઘટના યૂપીના શામલીના સદર કોતવાલીની છે, જ્યાં રહેતા દલિત સમાજના એક યુવકે મુસ્લિમ યુવતી સાથે લગ્ન કરવા માટે એક મૌલવીના કહેવા પર મુસ્લિમ ધર્મ અપનાવી લીધો હતો. આરોપ છે કે મુજફ્ફરનગર કોર્ટમાં લઇ જઇ મૌલવીએ મુસ્લિમ ધર્મમાં આ યુવકનું નામ નોંધાવી દીધું હતું. દલિત યુવકના ધર્મ પરિવર્તનના સમાચાર મળતાં હિંદુ સંગઠનો કોપાયમાન થયાં હતાં.

આના પર બજરંગ દળ અને હિંદુ સંગઠનોના સભ્યોએ દલિત યુવકના ઘરે પહોંચી એને ફરી હિંદુ ધર્મ અપનાવી લેવા કહ્યું તો આ યુવકે તેમની વાત માનવાનો ઇનકાર કરી દીધો હતો. બીજી બાજુ એમ પણ કહેવામા આવી રહ્યું છે કે બજરંગ દળના લોકોએ એને હિંદુ સમાજ વિશે વિસ્તૃત સમજણ પૂરી પાડી ત્યારે દલિત યુવકે બીજી વખત હિંદુ ધર્મ સ્વીકારી લીધો. જે બાદ યુવકે દાઢી કપાવીને અને તિલક લગાવીને હિંદુ ધર્મ સ્વીકારી લીધો હતો.

મુસ્લિમ ધર્મ અપનાવનાર યુવક પવને જણાવ્યું કે, ‘હું પહેલાં હિંદુ હતો પણ લગ્નની લાલચમાં આવીને ધર્મ પરિવર્તન કરી લીધો હતો પણ હવે હું ફરી હિંદુ ધર્મમાં આવવા માગું છું.બજરંગ દળના જિલ્લા સહસંયોજક મંત્રી સન્ની શર્માનું કહેવું છે કે દલિત યુવકને વિશેષ સમુદાયના લોકોએ લગ્ન અને રોજગારીની લાલચ આપીને પોતાના ધર્મ સાથે જોડવાનો પ્રયત્ન કર્યો છે.

કહ્યું કે, ‘હિંદુ સમાજના યુવકોને લલચાવીને તેમને પોતાના ધર્મ સાથે જોડવાના પ્રયત્ન કરવામાં આવી રહ્યા છે, અમે આવું બિલકુલ નહીં થવા દઇએ. અમે એને પ્યારથી સમજાવ્યો છે અને હવે હિંદુ ધર્મમાં જ રહેવાની વાત કરી રહ્યો છે. એને મંદિરમાં લઇ જઇને અમે એનું શુદ્ધિકરણ કરાવીશું.

(5:59 pm IST)
  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST

  • સુરત પાસે બે ડમ્પર વચ્ચે ચ્મ્ખ્વાર અકસ્માત : અકસ્માત થતા ડમ્પર વિઝ્દીના થાંભલા સાથે ભટકાતા, થાંભલો તૂટીને ડમ્પર પર પડ્યો : શોટસર્કીટ થતા ડમ્પર ભસ્મીભૂત થઈ ગયું access_time 8:44 pm IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST