Gujarati News

નવી દિલ્‍હી, તા.૨૪: ઈ-કોમર્સ પ્‍લેટફોર્મ અમેરિકન કંપની વોલમાર્ટે કામદારોને ૯૦ દિવસની અંદર નવી નોકરી શોધવા માટે કહ્યું છે. કંપનીના પ્રવક્‍તાએ મીડિયાને આ વાતની પુષ્ટિ કરી છે. પેડ્રેકટાઉન, ન્‍યુજર્સીમાં આશરે ૨૦૦ કામદારો અને ફોર્ટ વર્થ, ટેક્‍સાસ, ચિનો, કેલિફોર્નિયા, ડેવેનપોર્ટ, ફ્‌લોરિડા અને બેથલહેમ, પેન્‍સિલવેનિયામાં સેંકડો વધુ કામદારોએ રાત્રિ અને સપ્તાહના અંતે શિફ્‌ટમાં ઘટાડો થવાને કારણે છટણીનો સામનો કરવો પડ્‍યો હતો, એમ પ્રવક્‍તાએ જણાવ્‍યું હતું.

વોલમાર્ટ દ્વારા લેવામાં આવેલ છટણીનો આ નિર્ણય કંપનીના સંપૂર્ણ કદને ધ્‍યાનમાં રાખીને યુએસ અર્થતંત્રમાં ઉથલપાથલનું કારણ બની શકે છે. ઘણા અર્થશાષાીઓ આગાહી કરે છે કે આ વર્ષે અર્થતંત્ર મંદીનો સામનો કરી શકે છે. ચેલેન્‍જર, ગ્રે અને ક્રિસમસના માર્ચ રિપોર્ટ અનુસાર, આગામી મંદીના ભયને કારણે રિટેલર્સે ૨૦૨૩માં અત્‍યાર સુધીમાં ૧૭,૪૫૬ નોકરીઓ કાપી છે. જણાવી દઈએ કે ગયા વર્ષે આ સમયગાળામાં માત્ર ૭૬૧ લોકોએ નોકરી ગુમાવી હતી.

એમેઝોન, નેઇમન માર્કસ અને લિડલ જેવી રિટેલ કંપનીઓએ તેમના કોર્પોરેટ વર્કફોર્સમાં મોટાપાયે ઘટાડો કર્યો છે. વોલમાર્ટે એક નિવેદનમાં જણાવ્‍યું હતું કે, ગ્રાહકોની ભાવિ જરૂરિયાતો માટે વધુ સારી તૈયારી કરવાના ઉદ્દેશ્‍ય સાથે અમે તાજેતરમાં માનવ સંસાધનોની સંખ્‍યામાં ફેરફાર કર્યા છે. વોલમાર્ટે તેના નિવેદનમાં કહ્યું છે કે તે અસરગ્રસ્‍ત સહયોગીઓને નવી નોકરીઓ શોધવામાં મદદ કરશે. સાથે મળીને કામ કરશે. .

પ્રવક્‍તાએ કહ્યું કે તે અસરગ્રસ્‍ત કામદારોને જોલિએટ, ઇલિનોઇસ અને લેન્‍કેસ્‍ટર, ટેક્‍સાસ સહિત અન્‍ય કંપનીની શાખાઓમાં નોકરી શોધવા માટે ૯૦ દિવસ સુધી ચૂકવણી કરશે. કંપનીએ આ સ્‍થળોએ હાઈ-ટેક ઈ-કોમર્સ વિતરણ કેન્‍દ્રો ખોલ્‍યા છે. વોલમાર્ટ છેલ્લા કેટલાક વર્ષોથી ઓટોમેશનમાં ભારે રોકાણ કરી રહી છે. કંપની ર્ફર્ીીષ્ટ જેવી કંપનીઓ સાથે ભાગીદારી કરી રહી છે જેથી તે ઈ-કોમર્સ ઓર્ડર પૂરા કરવા માટે કર્મચારીઓની સંખ્‍યા ૧૨ થી ઘટાડીને પાંચ કરી શકે. કંપનીએ ઓપરેશનની આ પદ્ધતિનો અમલ કર્યો છે, ઉદાહરણ તરીકે, પેડ્રેકટાઉન, ન્‍યુજર્સીમાં તેની શાખામાં.

વોલમાર્ટના સીઇઓ ડગ મેકમિલને ફેબ્રુઆરીમાં કમાણીના પરિણામો પછી જણાવ્‍યું હતું કે કંપની આ વર્ષે $15 બિલિયન કરતાં વધુ મૂડી ખર્ચના બજેટના ભાગરૂપે ઓટોમેશન ટેક્રોલોજીમાં રોકાણ વધારવાની યોજના ધરાવે છે.