Gujarati News

નવી દિલ્હી,તા. ૨૪: લાલુ યાદવને ચારા કૌભાંડના ચોથા કેસમાં આજે સાત-સાત વર્ષની સજા કરવામાં આવી હતી. બે જુદી જુદી કલમો હેઠળ લાલુને આ સજા કરવામાં આવી છે. આ સમગ્ર મામલો ડુમકા તિજોરીમાંથી ઉંચાપતનો છે. લાલુને આવરી લેતો આ મામલો ડુમકા તિજોરીમાંથી ગેરકાયદે ઉચાપત સાથે સંબંધિત છે. ડુમકા તિજોરીમાંથી આશરે ૩.૭૬ કરોડ રૂપિયાની ગેરકાયદે ઉચાપત કરવામાં આવી હતી. આને લઈને સીબીઆઈએ ૧૯૯૬માં એફઆઈઆર દાખલ કરી હતી. આ રકમ ૧૯૯૫થી ૧૯૯૬ વચ્ચે ઉપાડવામાં આવી હતી. મામલાની તપાસ બાદ સીબીઆઈએ ૧૧મી એપ્રિલ ૧૯૯૬ના દિવસે રિપોર્ટ દાખલ કર્યો હતો. ઘાસચારા કૌભાંડમાં લાલુ યાદવની સામે પાંચ કેસો સીબીઆઈએ હાથ ધર્યા છે.