Gujarati News

મુંબઈ,તા.૨૩ : રિલાયન્સ જિયોએ ભારતીય યુઝર્સના અનુભવને વધુ સારો બનાવવા માટે નવા પાંચ પ્લાન જિયો પોસ્ટપેઇડ પ્લસ લોન્ચ કર્યા છે. જિયોના બંડલ્ડ પોસ્ટપેઇડ મોબાઇલ પ્લાનની નવી રેન્જમાં પરવડી શકે એવા પ્લાન, ઇન્ટનેશનલ કોલિંગ અને રોમિંગ બેનિફિટ્સ, નેટફિલકસ, એમેઝોન પ્રાઇમ વિડિયો, ફેમિલી બંડલ્ પ્લાન્સ અને ઇન્ટરનેશનલ સહિત એન્ટરટેઇનમેન્ટ સર્વિસિઝનો એક શાનદાર પોર્ટફોલિયો સામેલ છે. કોવિડ પછી વિશ્વમાં પેસેન્જરોને ફ્લાઇટની અંદર કનેકિટવિટીની સાથે-સાથે ભારતીય એરસ્પેસમાં પહેલી વાર કનેકિટવિટી સર્વિસ મળી શકશે.

જિયો પોસ્ટપેઇડ પ્લસની  પાંચ ટેરિફ યોજનાઓ

રિલાયન્સના જિયો પોસ્ટપેઇડ પ્લસની પાંચ ટેરિફ યોજનાઓ છે, એમાં અફોર્ડેબલ નવો પોસ્ટપેઇડ પ્લાન રૂ. ૩૯૯નો છે, જેમાં અનલિમિટેડ વોઇસ કોલ્સ અને SMS મેસેજીસ, 75 GB ડેટા પર બિલિંગ સાઇકલ અને નહીં વાપરેલો ડેટા 200 ઞ્ગ્ સુધી રોલઓવર કરી શકાશે અને કોમ્પ્લિમેન્ટરી સબસ્ક્રિપ્શનમાં નેટફ્લિકસ, એમેઝોન પ્રાઇમ અને ડિઝની -હોટસ્ટાર, આ ઉપરાંત યુઝર્સ જિયોસાવન, જિયો સિનેમા અને જિયો ટીવીની સુવિધા પણ મળી શકશે.

બીજો પ્લાન ૫૯૯ રૂપિયાનો છે અને એમાં એન્ટરટેઇનમેન્ટ કોલિંગ અને SMS સુવિધાઓ છે. આ ઓફરમાં યુઝર્સને બિલિંગ સાઇકલમાં 100 GB ઓફર છે અને તમને જિયો પોસ્ટપેઇડ પ્લસ પરિવાર યોજના હેઠળ એક વધારાનું સિમ કાર્ડ મળશે.

રિલાયન્સ જિયોના અન્ય ત્રણ પ્લાન

અન્ય ત્રણ પ્લાન ૭૯૯ રૂપિયા, ૯૯૯ રૂપિયા અને ૧૪૯૯ રૂપિયાના છે. જેમાં ૭૯૯ રૂપિયાવાળા પ્લાનમાં 150 GB પર સાઇકલ, અને ફેમિલી પ્લાન હેઠળ બે વધારાના સિમ કાર્ડ આપવામાં આવ્યા છે. જયારે ૯૯૯ રૂપિયા અને ૧૪૯૯ વાળા પ્લાનમાં 500 GB ડેટા ક્રમશઃ 500 GB રોલઓવર અને 200 GB અને 300 GB માસિક ડેટા મળે છે.

જિયો પોસ્ટપેઇડ પ્લસ સર્વિસને લોન્ચ કરતાં રિલાયન્સ જિયોના ડિરેકટર આકાશ અંબાણીએ કહ્યું હતું કે જિયો પોસ્ટપેઇડ પ્લસને દરેક પોસ્ટપેઇડ ગ્રાહકની જરૂરિયાતને ધ્યાનમાં રાખીને ડિઝાઇન કરવામાં આવ્યો છે. એ વિશ્વાસપાત્ર અને ઉચ્ચ ગુણવત્ત્।ાવાળી કનેકિટવિટીની જરૂરિયાતને પૂરી કરે છે. આ ઉપરાંત એ પ્રીમિયમ એન્ટરટેઇનમેન્ટ, સહજ અને અફોર્ડેબલ આંતરરાષ્ટ્રીય રોમિંગ, અત્યાધુનિક ફીચર્સ સાથે મહત્ત્વપૂર્ણ રૂપે ગ્રાહકોનો એક ઉમદા અનુભવ પૂરો પાડશે. અમે ગ્રાહકોને ઉમદા સર્વિસનો અનુભવ કરાવવાના પ્રયાસો કરી રહ્યા છીએ અને અમને આશા છે કે દેશમાં પ્રત્યેક પોસ્ટ પેઇડ યુઝર્સ એનો ઉપયોગ કરશે.

જિયો પોસ્ટપેઇડ પ્લસ યુઝર્સનો વાઇ-ફાઇ કોલિંગની સુવિધા ભારત અને વિદેશ પ્રવાસ દરમ્યાન મળશે. જિયો પોસ્ટપેઇડ પ્લસ કનેકશનવાળા ભારતીયો માટે અમેરિકા અને UAE  મુલાકાત દરમ્યાન કોઈ વધારાના આંતરરાષ્ટ્રીય રોમિંગ ચાર્જ લાગુ નહીં થાય. આ સિવાય વાઇ-ફાઇ કોલિંગની સાથે આંતરરાષ્ટ્રીય કોલ એક રૂપિયા જેટલી સસ્તી થશે. જિયોએ આ ઘોષણા કરી છે કે જિયો પોસ્ટપેઇડ પ્લસ યુઝર્સ આંતરરાષ્ટ્રીય રૂટસ પર ફ્લાઇટની અંદર વાઇ-ફાઇ મેળવનારા પહેલાં ભારતીયો હશે.

સંભવિત જિયો પ્રિપેડ ગ્રાહકો તેમ જ અન્ય ઓપરેટરોના પોસ્ટપેઇડ ગ્રાહકો જિયો પોસ્ટપેઇડ પ્લસ યોજનાઓ પર સ્વિચ કરવા માટે કનેકશનની સરળ હોમ ડિલિવરી અને નંબર ડાઉનટાઇમ નંબર પોર્ટિંગ સુવિધાઓનો લાભ ઉઠાવી શકે છે.