Gujarati News

Gujarati News

News of Monday, 23rd September 2019

બેન્ક હડતાલ મોકૂફ : બેન્ક ટ્રેડ યુનિયનોનો સૂચિત 26 અને 27મીની હડતાલ મુલતવી રાખવા નિર્ણંય

નાણાં સચિવ સાથે વાતચીત બાદ હડતાલ મોકૂફ રાખવા નિર્ણંય

નવી દિલ્હી : બેંક ટ્રેડ યુનિયનોએ સૂચિત 26 અને 27 સપ્ટેમ્બરની હડતાલ મુલતવી રાખી છે. 10 બેંકોના વિલીનીકરણના વિરોધમાં બેંક યુનિયનોએ હડતાલ પર ઉતરવાની જાહેરાત કરી હતી. યુનિયનના નેતાઓ અને નાણાં સચિવ રાજીવ કુમાર વચ્ચેની બેઠક બાદ હડતાલ મુલતવી રાખવામાં આવી હતી

  . બેંક યુનિયનોનું કહેવું છે કે સરકારે તેમની માંગણીઓ ગંભીરતાથી લીધી છે અને આ અંગે વિચારણા કરવાની ખાતરી આપી છે. આ વાતચીત બાદ હડતાલ મોકૂફ રાખવામાં આવી છે 

હકીકતમાં, બેંક અધિકારીઓના ચાર યુનિયનોએ 26 સપ્ટેમ્બરથી બે દિવસીય હડતાલની ઘોષણા કરી હતી. યુનિયન દ્વારા હડતાલમાં બેંકોના વિલીનીકરણનો વિરોધ સાથે 11 મા પગાર કરારના અમલની માંગ કરી છે.

ચાર બેંક યુનિયનો દ્વારા હડતાલ બોલાવવામાં આવી હતી બેન્કિંગ ક્ષેત્રના ચાર ટ્રેડ યુનિયન સંગઠનોએ 25 સપ્ટેમ્બરની મધ્યરાત્રીથી 27 સપ્ટેમ્બરની મધ્યરાત્રી સુધી હડતાલ બોલાવી હતી. જેમાં ઓલ ઇન્ડિયા બેંક ઓફિસર કન્ફેડરેશન, ઓલ ઇન્ડિયા બેંક ઓફિસર એસોસિએશન્સ, ઇન્ડિયન નેશનલ બેંક ઓફિસર્સ કોંગ્રેસ અને નેશનલ ઓર્ગેનાઇઝેશન બેંકના અધિકારીઓ શામેલ હતા.

 
(9:46 pm IST)
  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST

  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST