Gujarati News

Gujarati News

News of Friday, 22nd November 2019

કુમાર મંગલમ બિરલાને બે લાખ કરોડ રૂપિયાનો ફટકો

વોડા-આઇડિયાની ખરાબ હાલતથી ભારે નુકસાન : ૨૦૧૭ બાદથી હજુ સુધી બિરલાની સંપત્તિ એક તૃતિયાંશ ઘટી ગઈ : મોટા ભાગની કંપનીઓમાં પણ માંગમાં સુસ્તી

નવીદિલ્હી, તા. ૨૨ : વોડા ગ્રુપની ખરાબ આર્થિક સ્થિતિના કારણે તેના બીજા સૌથી મોટા મૂડીરોકાણકાર કુમાર મંગલમ બિરલાની નાણાંકીય સ્થિતિ ઉપર પણ થઇ છે. પ્રાપ્ત માહિતી મુજબ વોડાફોન-આઈડિયાની ખરાબ હાલતથી કુમાર મંગલમ બિરલાને બે લાખ કરોડ રૂપિયાનો ફટકો પડી ચુક્યો છે. બિરલાને છેલ્લા નાણાંકીય વર્ષમાં બ્રિટિશ ટેલિકોમ કંપની વોડાફોનની સાથે હાથ મિલાવ્યા બાદથી ભારે નુકસાન થયું છે. આંકડા દર્શાવે છે કે, વર્ષ ૨૦૧૭ના છેલ્લા ગાળાથી હજુ સુધી તેની સંપત્તિ એક તૃતિયાંશ ઘટી ગઈ છે. હકીકતમાં બિરલાને આ ફટકો વોડાફોનના વધતા નુકસાન અને દેવાની રકમમાં વધારો થવાથી તેના શેરના ભાવ ગગડી રહ્યા છે. બ્લુમર્ગના અહેવાલ મુજબ કેમિકલ્સ, મેટલ્સ અને સિમેન્ટ સેક્ટરની બિરલાની મુખ્ય કંપનીઓ પણ માંગમાં મંદીના દોરમાંથી પસાર થઇ રહી છે. બ્લુમર્ગ બિલિયોનર્સ ઇન્ડેક્સ મુજબ બે વર્ષ પહેલા બિરલાની સંપત્તિ ૯.૧ અબજ ડોલર હતી જે હવે ઘટીને ૬ અબજ ડોલર થઇ ગઇ છે.

                    એટલે કે તેમની સંપત્તિમાં ૩.૧ અબજ ડોલર અથવા તો ૨૧૭ અબજ રૂપિયાનો ઘટાડો થયો છે. ઇન્ડેક્સ મુજબ તેમની સંપત્તિને વધારે નુકસાન તેમની હોલ્ડિંગ કંપની આદિત્ય બિરલા ગ્રુપના કારણે થયું છે. પાંચમી સપ્ટેમ્બર ૨૦૧૬ના દિવસે મુકેશ અંબાણીની રિલાયન્સ જીઓના લોન્ચિંગ બાદથી એક પછી એક ફટકાની અસર ટેલિકોમ સેક્ટરમાં અન્ય રોકાણ કંપનીઓ ઉપર થઇ રહી છે. મૂડીરોકાણ કરવાની હિંમત દર્શવાનાર એકમાત્ર ઉદ્યોગપતિ કુમાર મંગલમ બિરલા હતા. તેઓએ પોતાની કંપની આઈડિયા સેલ્યુલરને વોડાફોન આઈડિયાની સાથે મર્જ કરી દઇને નવી કંપની વોડાફોનઆઈડિયા બનવી હતી. કંપનીને છેલ્લા સપ્તાહમાં દેશના કોર્પોરેટ જગતમાં સૌથી વધરે નુકસાન થયું હતું તે વખતે વોડાફોન ગ્રુપના સીઈઓ નિક રીડે તો અહીં સુધી કહી દીધું હતું કે, જો સરકાર પાસેથી કોઇ રાહત મળશે નહીં તો કંપની ભારતીય બજારમાંથી નિકળી જવા ઉપર વિચારમા કરી શકે છે. વોડાફોન આઈડિયાના શેર ૨૦૧૭ના છેલ્લા તબક્કાથી હજુ સુધી ૯૪ ટકા ઘટી ગયા છે. આના કારણે તેની માર્કેટ મૂડી ઘટીને ૨.૭ અબજ ડોલર અથવા તો આશરે ૧૯૦ અબજ રૂપિયા રહી ગઈ છે. આદિત્ય બિરલા ગ્રુપે દુનિયાની સૌથી મોટી એલ્યુમિનિયમ રોલિંગ કંપની હિન્ડાલ્કો ઇન્ડસ્ટ્રીમાં હિસ્સેદારી મેળવી છે. તેમની પાસે ગ્રાસિમ ઇન્ડસ્ટ્રીની હિસ્સેદારી પણ રહેલી છે. દેશની સૌથી મોટી સિમેન્ટ કંપની ગ્રાસિમના નિયંત્રણમાં છે.

(7:46 pm IST)
  • મહારાષ્ટ્રમાં શિવસેના ,એન.સી.પી.અને કોંગ્રેસ વચ્ચેની મિટિંગ સંપન્ન : 5 વર્ષ સુધી સ્થિર સરકાર આપવા લીડર તરીકે ઉધ્ધવ ઠાકરેના નામ ઉપર સહમતી : શરદ પવાર access_time 7:35 pm IST

  • શિવસેનાની કિશોરી પેડનેકર બની નવી મેયરઃ ડે.મેયર પદ પણ શિવસેનાનેઃ સૌથી અમીર મ્યુ. કોર્પો. છેઃ ર૦૧૯-ર૦ નું રૂ. ૩૦૬૯ર કરોડનું બીએમસીનું બજેટ છેઃ ભાજપ સામે મેયરપદ માટે જોરદાર મુકાબલો થયો હતો access_time 3:51 pm IST

  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST