Gujarati News

શિમલાઃ હિમાચલ પ્રદેશના પાટનગર શિમલામાં શનિવારે બસ અકસ્માતમાં 10 લોકોનાં કમકમાટી ભર્યા મોત નીપજ્યા હતા. શિમલાના સનૈલ વિસ્તારમાં એસ જીપ ખાડીમાં ખાબકતા જીપમાં બેઠેલા 10 લોકોનાં ઘટના સ્થળે જ મોત નીપજ્યા હતા. જ્યારે 3 લોકો ઇજાગ્રસ્ત થયાના અહેવાલ છે. આ ઘટના બાદ હિમાચલ પ્રદેશ પોલીસ અને જિલ્લા તંત્રની ટીમ તાત્કાલિક ઘટના સ્થળે પહોંચી રાહત કામગીરી શરૂ કરી દીધી હતી. ધટના બાદ શિમલાના એક ઉચ્ચ અધિકારી અમિત કશ્યપે કહ્યું હતું કે, આ જીપ હિમાચલ પ્રદેશ-ઉત્તરાખંડ બોર્ડર પાસે આવેલા કુડુ વિસ્તારમાં ખાબકી હતી.

આ જીપમાં બેઠેલા લોકો હિમાચલ પ્રદેશથી ઉત્તરાખંડ જઇ રહ્યા હતા. આ દરમિયાન જુબ્બલ પાસે જીપે કાબુ ગુમવાતા ખાડીમાં પડી ગઇ હતી. ઉચ્ચ અધિકારીએ જણાવ્યું હતું કે, ઘટનાની જાણ થતા તલાટી, એસડીએમ સહિત પોલીસના ઉચ્ચ અધિકારીઓ ઘટના સ્થળે પહોંચ્યા હતા. જ્યારે અકસ્માતમાં ઇજા પામેલા લોકોને સ્થાનિક હોસ્પિટલમાં સારવાર અર્થે ખસેડવામાં આવ્યા હતા. અકસ્માતનો ભોગ બનેલા તમામ લોકો હિમાચલ પ્રદેશના રહેવાસી છે, જેઓ ઉત્તરાખંડ જવા માટે રવાના થયા હતા.