Gujarati News

Gujarati News

News of Friday, 22nd June 2018

દક્ષિણના અમુક વિસ્તારોને બાદ કરતા ચોમાસાના પ્રારંભે ઓછો વરસાદઃ ૨૩મીથી ગુજરાતના અમુક ભાગોમાં ચોમાસુ સક્રિય થવાની હવામાન વિભાગની આગાહી

નવી દિલ્હીઃ દક્ષિણ-પશ્ચિમ ચોમાસાએ આ વર્ષે નબળી શરૂઆત કરી છે અને ચાલુ ચોમાસાની સીઝનનાં પ્રથમ ત્રણ સપ્તાહમાં એવરેજ કરતાં 9 ટકા ઓછો વરસાદ પડ્યો છે. મુંબઈ અને કર્ણાટકમાં લગભગ 10 દિવસ અગાઉ વરસાદના આગમન પછી તેનું જોર ઘટી ગયું છે.

દક્ષિણના અમુક વિસ્તારને બાદ કરતાં બાકી બધે પહેલી જૂનથી સામાન્ય કરતાં ઓછો વરસાદ નોંધાયો છે. હવામાન ખાતાના આંકડા પ્રમાણે છેલ્લા એક સપ્તાહમાં વરસાદ સાવ ઘટી ગયો છે અને સામાન્ય કરતાં 39 ટકા ઓછો વરસાદ નોંધાયો છે. મધ્ય ભારતમાં ચોમાસુ અત્યાર સુધીમાં પહોંચી જવું જોઈતું હતું પરંતુ ત્યાં 70 ટકા જેટલી ઘટ છે.હવામાન ખાતાના અધિકારીએ કહ્યું કે 13 જૂનથી ચોમાસાની પ્રગતિ અટકી ગઈ છે અને સર્ક્યુલેશનની પેટર્ન નબળી પડી છે.

જોકે, તેમના માનવા પ્રમાણે રવિવાર સુધીમાં ચોમાસુ ફરી વેગ પકડશે. આસામના બાકીના ભાગો, મહારાષ્ટ્ર, છત્તીસગઢ, ઓડિશા, પશ્ચિમ બંગાળના કેટલાક ભાગ અને ઝારખંડ, બિહાર, મધ્યપ્રદેશ તથા ગુજરાતના અમુક ભાગોમાં 23થી 25 જૂન વચ્ચે ચોમાસુ સક્રિય થવાની શક્યતા છે તેમ હવામાન ખાતાએ બે સપ્તાહની આગાહીમાં જણાવ્યું હતું.

દેશના બીજા ભાગોમાં એક સપ્તાહ પછી વધુ વરસાદની શક્યતા છે. હવામાન ખાતાની આગાહી પ્રમાણે ચોમાસુ આગળ વધશે તો પાકને નુકસાન નહીં થાય. મોટા ભાગના અનાજ ઉગાડતા વિસ્તારોમાં ખેડૂતો ખરીફ પાકના વાવેતર માટે તૈયારી કરી રહ્યા છે. દક્ષિણ પશ્ચિમ ચોમાસાએ 29 મેના રોજ શિડ્યુલ કરતાં ત્રણ દિવસ અગાઉ કેરળમાં આગમન કર્યું હતું. ગયા સપ્તાહમાં મંગળવાર સુધીમાં દેશના પૂર્વીય વિસ્તારોમાં ચોમાસુ આવી ગયું હતું. હવે તેને સક્રિય થતાં ૧૨ દિવસ લાગશે જે સામાન્ય કહેવાય.

(5:34 pm IST)
  • મુખ્યમંત્રી પદની દૌડમાં મારુ નામ માત્ર અફવા: વિજયભાઈ રૂપાણીના નેતૃત્વમાં ગુજરાત સરકાર સ્થિર:વડોદરામાં કેન્દ્રીય મંત્રી પુરુસોત્તમ રૂપાલાએ પોતે મુખ્યમંત્રીની રેસમાં હોવાનું નકાર્યું ;છેલ્લા કેટલાક દિવસોથી ગુજરાતમાં મુખ્યમંત્રી બદલાશે તેવી ચર્ચાએ જોર પકડ્યું છે access_time 1:04 am IST

  • છોટા ઉદયપુરમાં તેજ ગઢમાં વરસાદનું આગમન : છેલ્‍લા દોઢ કલાકથી વરસાદ વરસી રહ્યોના વાવળ : વીજળી ગુલ થયાની પણ ફરીયાદ નોંધાઇ access_time 11:13 pm IST

  • જમ્મુ કાશ્મીરના ત્રાલમાં આતંકીઓએ કર્યો ગ્રેનેડ હુમલો : હુમલામાં ૮ જવાન ઘાયલ થયા છે : સુરક્ષાબળોએ સમગ્ર વિસ્તારને ઘેરીને આતંકીઓ સામે કાર્યવાહી ચાલુ કરી હોવાનું જાણવા મળે છે access_time 4:44 pm IST