Gujarati News

Gujarati News

News of Sunday, 21st April 2019

IRCTCની બમ્પર ઓફર :વગર પૈસે બુક કરી શકશો ટ્રેનની કન્ફર્મ ટિકિટ

આઈઆરસીટીસી પર રજિસ્ટર્ડ એકાઉન્ટ હોવું જરૂરી: બુકિંગના 14 દિવસ બાદ પેમેન્ટ કરી શકો છો

નવી દિલ્હી: ઈન્ડિયન રેલવે કેટરિંગ એન્ડ ટુરિઝમ કોર્પોરેશન (IRCTC) એ મુસાફરો માટે બંપર ઓફર રજુ કરી છે. આ ઓફર હેઠળ પૈસા વગર પણ ટિકિટ બુક કરાવી શકશો. જો કે આ માટે આઈઆરસીટીસી પર રજિસ્ટર્ડ એકાઉન્ટ હોવું જરૂરી છે. આ ઓફર હેઠળ આઈઆરસીટીસીએ અર્થશાસ્ત્ર ફિનટેક પ્રાઈવેટ લિમિટેડ (ePaLater) સાથે કરાર કર્યો છે. આ કરાર મુજબ તમે ટિકિટ બુકિંગના 14 દિવસ બાદ પેમેન્ટ કરી શકો છો. 

  આઈઆરસીટીસીની નવી ઓફર મુજબ પ્રત્યેક યૂઝરને એકાઉન્ટ પર ક્રેડિટ લિમિટ મળશે. આ ક્રેડિટ લિમિટ યૂઝર મુજબ અલગ અલગ હોઈ શકે છે. ટિકિટ બુક કરતી વખતે એ ધ્યાન રાખવું જરૂરી છે કે જે ટિકિટ તેઓ બુક કરી રહ્યાં છે તેની અમાઉન્ટ તમારી ક્રેડિટ લીમિટ કરતા ઓછી હોવી જોઈએ. જો તમે 14 દિવસ પહેલા જ તમારી ટિકિટનું પેમેન્ટ કરી દેશો તો તમારી ક્રેડિટ લિમિટ વધતી જશે. સમય પર ચૂકવણી ન કરનારા લોકોની ક્રેડિટ લિમિટ ઓછી થઈ શકે છે. 

ઈ-પેલેટર (ePaLater)થી યૂઝર IRCTCની વેબસાઈટ પર તાત્કાલિક રકમની ચૂકવણી કર્યા વગર પણ ટિકિટ બુક કરી શકે છે. ચૂકવણી તમારે 14 દિવસમાં કરવાની રહેશે. જો તમે આ માધ્યમથી ટિકિટ બુક કરશો તો તમારે 3.5 ટકા વધારાનો સર્વિસ ચાર્જ આપવો પડશે. 14 દિવસની સમય મર્યાદામાં ચૂકવણી ન કરવા બદલ યૂઝરે વ્યાજ ચૂકવવું પડશે.

(10:14 pm IST)
  • જામનગર ભાજપના મીડિયાસેલના સભ્ય અને સાંસદ પૂનમબેન માડમના પિતરાઈ ભાઈ નીતિન માડમ કોંગ્રેસમાં જોડાયા. ભાજપમાં ભૂકંપ : ધારાસભ્ય વિક્રમ માડમ અને ચિરાગ કાલરીયાની ઉપસ્થિતમાં રોડ શો દરમિયાન નીતિન માડમ કોંગ્રેસના પ્રચારમાં પણ જોવા મળ્યા. : તસવીર: કિંજલ કારસરીયા, અહેવાલ: મુકુંદ બડીયાણી, જામનગર. access_time 8:34 pm IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST

  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST