Gujarati News

Gujarati News

News of Wednesday, 21st March 2018

કનિષ્‍ક જ્વેલર્સે ૧૪ બેન્કોને ધુંબો માર્યોઃ ૮પ૪ કરોડની છેતરપિંડી

મુંબઇઃ પીએનબી કૌભાંડ બાદ દેશમાં એક બાજુ બેન્કોની ખુબ જ મોટી ભૂલો સામે આવી રહી છે. આ વખતે કૌભાંડની મુખ્ય શિકાર ભારતીય સ્ટેટ બેન્ક (એસબીઆઇ) બની છે.

પીએનબીમાં નીરવ મોદી અને મેહુલ ચોક્સીની તરફથી કરવામાં આવેલ 14,600 કરોડ રૂપિયાનાં કૌભાંડની બૂમ હજૂ સુધી થંભી નથી ત્યાં જ વધુ એક કૌભાંડ સામે આવ્યુ છે. દેશની સૌથી મોટી બેન્ક એસબીઆઇમાં સીબીઆઇને મોકલેલ ફરિયાદમાં આ કૌભાંડનો ખુલાસો કરવામાં આવ્યો છે.

એસબીઆઇની ફરિયાદ છે કે, કનિષ્ક જ્વેલર્સે 854 કરોડ રૂપિયાની છેતરપિંડી કરી છે. એસબીઆઇ એ કનિષ્ક ગોલ્ડ પ્રાઇવેટ લિમિટેડ વિરૂદ્ધ સીબીઆઇ પાસે તપાસની માંગ કરતા કહ્યું છે કે, કંપનીના દેવાનાં મામલામાં 842.15 કરોડ રૂપિયાની છેતરપિંડી થઇ છે.

મીડિયા રિપોર્ટસ અનુસાર હજૂ સુધી સીબીઆઇ એ કોઇ પણ પ્રકારની એફઆઇઆર નોંધી નથી. સીબીઆઇ તે 14 સરકારી અને ખાનગી બેન્કોમાં સામેલ મહત્વપૂર્ણ બેન્ક છે જેને આ કંપનીને 824 કરોડ રૂપિયાની પ્રિંસિપલ લોન આપી છે. એસબીઆઇ તરફથી લખેલ પત્ર અનુસાર, કનિષ્ક ગોલ્ડે વર્ષ 2007થી લોન લેવાનું શરૂ કર્યુ હતુ અને બાદમાં તેણે પોતાની ક્રેડિટની સીમા વધારી લીધી હતી.

(8:12 pm IST)
  • સિંગર અલકા યાજ્ઞિક આજે પોતાનો 52મો જન્મદિવસ ઉજવી રહી છે. અલકાનો જન્મ કલકત્તાના એક મધ્યમ વર્ગીય પરિવારમાં થયો હતો. અલકાએ પોતાના માતા શુભા યાજ્ઞિક પાસેથી શાસ્ત્રીય સંગીતનો અભ્યાસ કર્યો હતો. અલકાએ 1989માં નીરજ કપૂર સાથે લગ્ન કર્યા, પરંતુ તે પાછલા 25 વર્ષથી પતિથી અલગ રહે છે. બન્ને વચ્ચે કોઈ મતભેદ કે ઝઘડો નથી, પણ પોતાના કામને કારણે તેમણે આ નિર્ણય લીધો છે. access_time 1:49 am IST

  • અફઘાનીસ્તાનના પાટનગર કાબુલમાં યુનિર્વસીટી નજીક કાર બોંબ બ્લાસ્ટઃ ૨૬ના મોત : અફઘાનિસ્તાના કાબુલમાં આત્માઘાતી કાર બોંબ બ્લાસ્ટમાં ૨૫ના મોત, ૧૮ ઈજાગ્રસ્તઃ કાબુલ યુનિ. અને અલી અબાદ હોસ્પિટલ પાસે થયો બ્લાસ્ટઃ નવુ વર્ષની થઈ રહી હતીઃ ઉજવણી access_time 4:47 pm IST

  • હત્યા-ફાયરીંગ પ્રકરણમાં મોરબી ભાજપ અગ્રણી સહિતના આરોપીઓના આશ્રય સ્થાનો ઉપર દરોડાઃ પંચાસર સ્થિત નિવાસ સ્થાને અને અન્ય સ્થળો ઉપર પોલીસ ત્રાટકીઃ કોઈ સગળ ન મળતા કોલ ડીટેઈલના આધારે તપાસ access_time 3:58 pm IST