Gujarati News

Gujarati News

News of Monday, 22nd February 2021

ડેલકર ઉપર સીબીઆઈની મોટી કાર્યવાહી થવાની હતી? ભારે દબાણ શેનું? સ્‍યુસાઈડ નોટમાં વિસ્‍ફોટક વિગતો હોવાની ભારે ચર્ચા

એન્‍જીનિયરની આત્‍મહત્‍યા બારામાં પૂછપરછ થવાની હતી?

મુંબઈ : દાદરા નગર હવેલીના મોટા ગજાના અપક્ષ સાંસદ મોહન ડેલકરનો મૃતદેહ સી-ગ્રીન સાઉથ હોટલના રૂમમાંથી મળી આવ્‍યો છે. તેમણે આત્‍મહત્‍યા કર્યાનું મનાય છે. સીબીઆઈ દ્વારા ટૂંક સમયમાં મોટી કાર્યવાહી થનાર હોવાનું અને તેમના ઉપર ભાજપમાં જોડાવા માટે ભારે દબાણ હોવાની ભારે ચર્ચા છે. જો કે સત્તાવાર સમર્થન મળતુ નથી. તેઓ ૫૮ વર્ષના છે. અપક્ષ સાંસદ છે. ૧૯૮૯માં પ્રથમ વખત સાંસદ ચૂંટાયેલ તેઓ ત્રણ વખત સાંસદ રહી ચૂકયા છે. કોંગ્રેસ ભાજપ બંનેની ટીકીટ ઉપર લડયા છે. ૨૦૧૯માં ડેલકરે કોંગ્રેસ છોડી દીધી હતી અને ભારતીય નવશકિત પાર્ટી (બીએનપી)ની રચના કરેલ. કોંગ્રેસ છોડી અપક્ષ તરીકે ચૂંટણી લડી સાંસદ બનેલ. તેમના મૃતદેહ પાસેથી સુસાઈડ નોટ મળી છે. મૃતદેહને પોસ્‍ટમોર્ટમ માટે લઈ જવાયો છે. અત્‍યાર સુધીમાં ૭ વખત લોકસભામાં ચૂંટાઇ આવ્‍યા છે. તેમના પરિવારમાં પત્‍નિ કલાબેન અને બે સંતાન અભિનવ અને દિવીતા છે. સી ગ્રીન સાઉથ હોટલના કબ્‍જો મુંબઈ પોલીસે લઈ લીધો છે. છેલ્લા ૨૪ કલાકના સીસીટીવી ફૂટેજ કબ્‍જે લેવાયા છે. તેઓ ૧૯૯૧ અને ૯૬માં કોંગ્રેસમાંથી લડેલ પછી કોંગ્રેસ છોડેલ. ત્‍યારબાદ ૧૯૯૮માં ભાજપની ટીકીટ પરથી લડીને જીત્‍યા. ૧૯૯૯માં અપક્ષ ચૂંટાયા. ૨૦૦૪માં ભારત નવશકિત પક્ષ બનાવ્‍યો અને દાદરાનગર હવેલીના સાંસદ બન્‍યા. ૨૦૦૯માં ફરી કોંગ્રેસમાં જોડાયા. ૨૦૧૯માં અપક્ષ તરીકે અપક્ષ ચૂંટાયા હતા. ૨૦૧૮માં દાદરા નગર હવેલીના પીડબલ્‍યુડીના એન્‍જીનિયર એસ.એસ.ભોયાની આત્‍મહત્‍યા પ્રકરણમાં ડેલકર ઉપર ઈન્‍કવાયરી ચાલતી હતી. તેમની સંડોવણીની સીબીઆઈને શંકા હતી.

(4:25 pm IST)
  • શંકા ગમે તેટલી મજબૂત કેમ ન હોય , પુરાવાનું સ્થાન ન લઇ શકે : સુપ્રિમકોર્ટની ટિપ્પણી :જસ્ટિસ ઇન્દિરા બેનર્જી અને જસ્ટિસ હેમન્ત ગુપ્તાની પીઠે ઓરિસ્સા હાઇકોર્ટના એક નિર્ણંયને યથાવત રાખતા કહ્યું કે કોઈપણ આરોપી વિરુદ્ધ પુરાવાની કડી એટલી મહત્વપૂર્ણ હોવી જોઈએ,જેથી તેના વિરુદ્ધ આરોપ સાબિત થઇ શકે access_time 9:26 am IST

  • ઉત્તર પ્રદેશ વિધાનસભાની ચૂંટણી પહેલા યોગી સરકારે બજેટનો પટારો ખોલ્યો : ફાયનાન્સ મિનિસ્ટર સુરેશ ખન્નાએ અત્યાર સુધીનું સૌથી મોટું 5,50,270 કરોડ રૂપિયાનું પેપરલેસ બજેટ ધારાસભામાં રજૂ કર્યું : અયોધ્યા નગરી માટે 140 કરોડ ,વેક્સીન માટે 50 કરોડ ,ખેડૂતોને મફત પાણી આપવા માટે 700 કરોડ ,તથા મહિલા શક્તિ કેન્દ્રોની સ્થાપના માટે 32 કરોડ રૂપિયાની ફાળવણી સાથે 2021-22 ની સાલનું બજેટ પેશ કરાયું access_time 1:54 pm IST

  • હવે ગરમીના દિવસો શરૃઃ રાજકોટ ૩૪ ડીગ્રી : રાજકોટઃ ઠંડીના દિવસો હવે પુરા થયા છેઃ ગરમીનો અહેસાસ થવા લાગ્યો છેઃ ઘર, ઓફિસ, દુકાનોમાં પંખા, એ.સી.ચાલુ થવા લાગ્યા છેઃ દરમિયાન આજે બપોરે ૨:૩૦ વાગ્યે રાજકોટમાં મહતમ તાપમાન ૩૪ ડીગ્રી નોંધાયું છેઃ સાંજ સુધીમાં એકાદ ડીગ્રીનો વધારો થવા સંભવ છે access_time 4:32 pm IST