Gujarati News

Gujarati News

News of Wednesday, 15th May 2019

CBSE ધો. 10ની પરીક્ષામાં પ્રશ્નો ઘટાડવામાં આવશે

નવી દિલ્હી: કેન્દ્રિય માધ્યમિક પરીક્ષા બોર્ડ ધો.10ના પરીક્ષા માળખામાં ફેરફાર કરવા વિચારણા કરી રહ્યું છે. વિદ્યાર્થીઓમાં રચનાત્મક લેખન પ્રવૃત્તિનો વધારો થાય એ હેતુસર વિચાર ચાલી રહ્યો છે. જે અંતર્ગત ધોરણ 10 બોર્ડની પરીક્ષામાં હેતુલક્ષી પ્રશ્નોની સંખ્યા ઘટાડવા પર વિચાર થઇ શકે છે. સીબીએસઇના એક વરિષ્ઠ અધિકારીએ જણાવ્યું કે, આ ફેરફાર પરીક્ષા પહેલા સમીક્ષા કરી કરાશે. ફેરફાર કરવાનું નિયત થતાં આ અંગે નમૂના પ્રશ્નપત્રો બહાર પાડવામાં આવશે કે જેથી વિદ્યાર્થીઓ બદલાયેલ માળખાથી પરિચીત થાય અને એનો અભ્યાસ કરી શકે.

રચનાત્મક લેખન પર ભાર

બોર્ડના વિશેષજ્ઞ પ્રશ્નો ઓછા કરવા અને પ્રત્યેક પ્રશ્નના માર્ક વધારવા તથા વિદ્યાર્થીઓમાં રચનાત્મક લેખન વધે એ દિશામાં ભાર મુકવા જઇ રહ્યા છે. અધિકારીએ કહ્યું કે, આખા પ્રશ્નપત્રમાં ફેરફાર નહીં થાય. પરંતુ મામૂલી ફેરફાર કરાશે અને વિદ્યાર્થીઓે આ અંગે ચિંતા કરવાની કે ગભરાવાની જરૂર નથી. બોર્ડ એક એક માર્કવાળા પ્રશ્નોના હાલના સ્વરૂપમાં વિવિધતા લાવવા અંગે પણ વિચાર કરી રહ્યું છે.

(5:47 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST

  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST