Gujarati News

Gujarati News

News of Friday, 15th March 2019

યુ.એસ.ના હ્યુસ્ટનમાં ઇન્ડિયા હાઉસ ખાતે ૧૬ માર્ચ શનિવારે 'હોલી ઉત્સવ': લાઇવ ડી.જે. તથા ઢોલના નાદ સાથે રંગે રમવાનો લહાવોઃ તમામ માટે વિનામૂલ્યે પ્રવેશ

હ્યુસ્ટનઃ યુ.એસ.ના હ્યુસ્ટનમાં આવેલા ઇન્ડિયા હાઉસ ખાતે ૧૬ માર્ચ ૨૦૧૯ શનિવારના રોજ ભારતીયોનો લોકપ્રિય તહેવાર 'હોલી ઉત્સવ' ઉજવાશે. જેનો સમય સવારે ૧૧ વાગ્યાથી બપોરના ૪ વાગ્યા સુધીનો રહેશે.

તારા એનર્જી, વિભા તથા રેડિયો દબંગના સંયુકત ઉપક્રમે કરાનારી ઉજવણીમાં તમામ માટે વિનામૂલ્યે પ્રવેશ છે. ઉજવણી અંતર્ગત લાઇવ ડી.જે. તથા લાઇવ ઢોલ સાથે તહેવારનો આનંદ માણવાની સાથે રંગોની છોળો ઉડાડવા માટે સપરિવાર, મિત્રો સાથે લાભ લઇ શકાશે તથા લંચનો લહાવો લઇ શકાશે.

તહેવારની ઉજવણીને રેડિયો દબંગ ઉપરાંત ઇન્ડિયા હાઉસ, ગ્લોબલ દેશીસ તેમજ નમસ્કાર એન્ટરટેઇનમેન્ટ દ્વારા પણ માણી શકાશે. તહેવારને સ્ટર્લિંગ એમ્સીકોલ ટોયોટા, ન્યુયોર્ક લાઇફના શ્રી દિવ્યેન્દુ સિંઘ, ગાયત્રી ભવન તથા મિર્ચ મસાલાનું પણ સમર્થન છે.

તહેવાર થકી થનારી આવક જરૂરીયાતમંદ બાળકો માટે વપરાશે. બુથ તથા સ્પોન્સરશીપ માટે શ્રી રાજેશ દેસાઇ (૮૩૨-૮૭૬-૩૩૦૦) તથા વોલન્ટીયર સેવાઓ અને વિશેષ માહિતી માટે સુશ્રી ધારા દલાલનો સંપર્ક સાધી શકાશે તેવું સમાચાર સૂત્ર દ્વારા જાણવા મળે છે.

(8:40 am IST)
  • આંતરરાષ્ટ્રીય નાણા ભંડોળ આઇએમએફમાં ભારતના એક્ઝિક્યુટિવ ડાયરેક્ટર તરીકે ડોક્ટર સુબીર કરણની કેન્દ્ર સરકારે વધુ છ મહિના માટે નિમણૂક કરી છે access_time 10:32 am IST

  • ગાંધીનગર બેઠક પરથી ભાજપના દિગજ્જ નેતા ચૂંટણી લડે તેવી શકયતા ;એમપીના રાજ્યપાલ આંનદીબેન પટેલ બાદ ભાજપના રાષ્ટ્રીય અધ્યક્ષ અમિતભાઇ શાહનું નામ ચર્ચામાં ઉમેરાયું :અટકલની આંધી access_time 1:17 pm IST

  • ભીખ-જમવાનું માગવાના બહાને મકાનોમાં ઘુસી રોકડ-દાગીનાની ચોરી કરતી પડદા ગેંગની ૫ મહિલા ઝડપાઇ : પડદા ગેંગની રંગોલી માંગીયા (વાઘરી), સંજુ માંગીયા, મંજુ જંગડીયા, ભુલીબાઇ માંગીયા અને કવિતા માંગીયા આ તમામ મહિલાઓ એક સાથે જમવાનુ માંગવાના બહાને ચોરી કરતી હતીઃ આ તમામ મહિલાઓ રાજસ્‍થાનથી ચોરી કરવાના ઇરાદા સાથે જ અમદાવાદ આવતીઃ પોલીસ વધુ તપાસ આદરી access_time 4:27 pm IST