Gujarati News

Gujarati News

News of Saturday, 13th January 2018

બેન્કોમાં પડેલા 'બિનવારસી' ૮૦૦૦ કરોડના નથી કોઇ દાવેદાર

સરકાર દ્વારા KYC નિયમોમાં કરવામાં આવેલી સખ્તીને કારણે આવા ખાતાઓની સંખ્યા વધી ગઈ છે

નવી દિલ્હી તા.૧૩ : દેશની અલગ અલગ બેન્કોમાં એવા ઘણાં પૈસા પડ્યા છે જેના કોઈ દાવેદાર નથી. લેટેસ્ટ રિપોર્ટ અનુસાર, જો દરેક બેન્કમાં પડેલા આવા પૈસાનો સરવાળો કરવામાં આવે તો આ આંકડો આઠ હજાર કરોડ રુપિયાથી વધારે થઈ ગયો છે.

માનવામાં આવી રહ્યું છે કે, સરકાર દ્વારા KYC નિયમોમાં કરવામાં આવેલી સખ્તીને કારણે આવા ખાતાઓની સંખ્યા વધી ગઈ છે. ખાતાધારકના મૃત્યુ પછી હવે બેન્ક ત્યારેજ તેના પૈસા ઉપાડવા દે છે જયારે પૈસા માંગનાર વ્યકિત તે ખાતાધારક સાથેનો પોતાનો નજીકનો સંબંધ સાબિત કરી શકે.

રિઝર્વ બેન્ક ઓફ ઈન્ડિયા(RBI) દ્વારા જાહેર કરવામાં આવેલા લેટેસ્ટ રિપોર્ટ અનુસાર, અલગ અલગ બેન્કોમાં ૨.૬૩ લાખ ખાતાઓમાં પડેલા ૮૮૬૪.૬ કરોડ રુપિયા માટે કોઈ દાવેદાર નથી. આ આંકડા ૨૦૧૬ સુધીના છે. ૨૦૧૨દ્મક ૨૦૧૬ સુધીમાં આ સંખ્યા બમણી થઈ ગઈ છે. ૨૦૧૨માં આવા ખાતાઓમાં જમા પૈસા ૩૫૯૮ કરોડ રુપિયા હતા, જે ૨૦૧૬માં ૮૮૬૪ કરોડ થઈ ગયા.

RBIએ બેન્કોને કહ્યું કે, પાછલા ૧૦ વર્ષમાં જે અકાઉન્ટના કોઈ દાવેદાર સામે નથી આવ્યા તેમની યાદી તૈયાર કરીને પોતાની વેબસાઈટ પર અપલોડ કરો. અપલોડ કરવામાં આવેલી જાણકારીમાં અકાઉન્ટ હોલ્ડર્સના નામ, સરનામા પણ શામેલ હોય.

બેન્કોમાં પડેલા આવા બિનવારસી પૈસા તેમના માટે નુકસાન જ કરાવે છે, કારણકે બેન્ક તે અકાઉન્ટ પર વ્યાજ આપવાનું બંધ ન કરી શકે. પ્રાપ્ત જાણકારી અનુસાર દેશની સૌથી મોટી બેન્ક સ્ટેટ બેન્ક ઓફ ઈન્ડિયાના ૪૭ લાખ ખાતા, કેનરા બેન્કના ૪૭ લાખ ખાતા અને પંજાબ નેશનલ બેન્કના ૨૩ લાખ ખાતાના કોઈ દાવેદાર નથી.(૨૩.૮)

(3:56 pm IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • ગાંધીનગર : SRPના PSIનો રીવોલ્વરથી આપઘાતનો પ્રયાસઃ સેકટર ૨૭માં રહેતા હતા access_time 12:51 pm IST