Gujarati News

બાડમેર : બાડમેરના તીલવાડા નજીક માલાજાઠમાં સાંભર ઝીલમાં હજારો પક્ષીઓ મૃત્યુ પામ્યા હતા ત્યાં જ રણ વિસ્તારના બાડમેર જીલ્લામાં જયાં પાણીનો અભાવ છે ત્યાં વિદેશી પક્ષીઓની અવર - જવરથી તેના માટે જંગલી તળાવ ફરીથી શરૂ કરવામાં આવેલ છે. તથા અનાજ - ઘાસની પણ વ્યવસ્થા કરવામાં આવી છે. ત્યાં હજારો પક્ષીઓનો કલરવ ગુંજી ઉઠ્યો હતો. રેગીસ્તાની બાડમેર જીલ્લાના પચપદરા વિસ્તારમાં  કુંજ પક્ષીનો વાસ વર્ષોથી હતો. આ પક્ષી પોતાના આસપાસના ગામડાઓ તથા વિસ્તારોમાં પાણી તથા અનાજની શોધમાં ફરવા લાગ્યા. તીલવાડા ગામડામાં રાણી રૂપાદે મંદિરનું નિર્માણ થયુ તો કુંજ પક્ષી ત્યાં જ બેસવા લાગ્યા. ત્યાં નજીકમાં માલાજાઠના તળાવમાં પાણીની શોધ કરવા માંડ્યુ. તેની વ્યથા સમજી મંદિરના ટ્રસ્ટ તરફથી તળાવ બનાવવાનો નિર્ણય કરવામાં આવ્યો. અત્યારે ત્યાં હજારો વિદેશી પક્ષીઓનો કલરવ સાંભળવા મળે છે.