Gujarati News

મુંબઈ,તા.૨૦:હુમલાના મુખ્ય આરોપી હાફિઝ સઈદ અને પાકિસ્તાનમાં છૂપાયેલા અનેક આતંકીઓની યોગ્ય લોકેશન ઓળખવા માટે અને તેને પાડી દેવામાં સેનાને હવે વધારે મુશ્કેલી પડશે નહીં. તેમની મદદ માટે જર્મન કંપનીએ એક આધુનિક ડ્રોન તૈયાર કર્યું છે.

ભારતીય કંપનીએ જર્મન કંપનીની મદદથી વેકટર ડ્રોન નામનું એક એવું ડ્રોન તૈયાર કર્યું છે જે ફકત ૨૫ કિલોમીટરના અંતરેથી થર્મલ ઈમેજિંગની મદદથી આતંકીઓની લોકેશન જાણી શકશે. આ સાથે જ તે આંતકીઓ પર હુમલો પણ કરી શકે છે.

દહેરાદૂનમાં જીએમએસ રોડની એક હોટલમાં આઈએનસીએની તરફથી આયોજિત ત્રણ દિવસીય ૩૯જ્રાક્ન આંતરરાષ્ટ્રિય કોંગ્રેસના અન્ય દિવસે વેકટર ડ્રોન નામનું અત્યાધુનિક ડ્રોનનું પ્રદર્શન કરવામાં આવ્યું હતું.

વેકટર ડ્રોન બનાવનારી કંપની અંસારી પ્રેશીશન ઈન્સ્ટ્રૂમેન્ટના નિર્દેશક સાજિદ અંસારીએ કહ્યું કે જર્મન ટેકનિક પર બનેલા આ ડ્રોનની મદદથી આંતકીઓની થર્મલ ઈમેજિંગથી ઓળખ કરી શકાય છે. તેમની સંખ્યાનું યોગ્ય અનુમાન લગાવી શકાય છે. આ સાથે જ આતંકીઓના મોબાઈલ ફોનને પણ બંધ કરી શકાય છે. તેમાં લાગેલા જૈમરની મદદથી ફોનને સંપૂર્ણ રીતે લોક કરી શકાય છે. ઓછી ઉંચાઈ પર ઉડનારા આ ડ્રોનને સ્ટીલ્થ વિમાનની જેમ જ બનાવવામાં આવ્યુ છે. જે કોઈ પણ રડારની પકડથી બહાર છે. વેકટર ડ્રોનમાં જે આતંકીઓના ફોટો અપલોડ કરી દેવામાં આવશે તેને જોતાંની સાથે જ ડ્રોન ત્યાં જ ઉડાન ભરશે.

આ ડ્રોનથી જાણી શકાશે કે કયો આતંકી કયાં છૂપાયો છે. આંતર રાષ્ટ્રિય કોંગ્રેસના પ્રદર્શનમાં ટ્રિનિટી ટોન પ્લસને પણ બતાવવામાં આવ્યું છે. તેનો ઉપયોગ સર્વે ઓફ ઇન્ડિયાની તરફથી મેપિંગને માટે કરવામાં આવી રહ્યો છે. ટ્રિનિટી ટોન પ્લસ પાંચ વર્ગ કિમીના ક્ષેત્રનું મેપિંગ એક કલાકમાં પૂરું કરી શકે છે.

આ વેકટર ડ્રોનની કિંમતની વાત કરીએ તો તેની કિંમત અઢી કરોડ રૂપિયાની છે. ટ્રિનિટી ટોન પ્લસની કિંમત ૩૦ લાખ રૂપિયાની છે. વેકટર ડ્રોન એક વખતની ઉડાનમાં ૧૦ વર્ગ કિલોમીટરનું મેપિગ કરી શકે છે.