Gujarati News

નવી દિલ્હી તા. ૨૦ : તમને ફરવાનો ખૂબ શોખ હશે, પરંતુ તમે કયાંય પણ ફરવા જતા પહેલા ઘણી બધી તૈયારીઓ કરતા હશો, કોઈ મિત્ર કે પરિવારની કંપની શોધતા હશો અને ૫-૧૦ દિવસોમાં પોતાની ટૂરને ખતમ કરીને પાછા આવી જાવ છે. જોકે એવામાં એક શખ્સ છે, જેણે કોઈ પણ હવાઈ યાત્રા વિના જ પોતાની બાઈક પર વર્લ્ડ ટૂર કરી લીધી. આ સાંભળવામાં થોડું અજીબ લાગે છે. પરંતુ ભારદ્વાજ દયાલે એવું કરી બતાવ્યું છે.

મીડિયા રિપોર્ટ્સ મુજબ તે પહેલા કયારેક હોમટાઉન એટલે કે વિશાખાપટ્ટનમથી બહાર બાઈક લઈને પણ નહોતો જતો. પરંતુ તેણે આ કારનામું કરી બતાવ્યું છે. આ ભારતનો પહેલો એવા શખ્સ છે, જેમણે આવું સાહસ બતાવ્યું છે. ખાસ વાત એ છે કે તેણે સમગ્ર ટૂર પોતાના પૈસા પર કરી છે અને આ માટે તેણે કોઈની મદદ નથી લીધી. તેણે આ સમગ્ર વર્લ્ડ ટૂર કરિઝમા બાઈક દ્વારા કરી, જે ઘણા પ્રકારની પરિસ્થિતિઓમાં અનુકૂળ નથી.

જણાવી દઈએ કે સ્પોન્સર વિના આ કારનામું કરીને રેકોર્ડ કાયમ કર્યો છે. તેમણે ટૂરમાં ૫ મહાદ્વીપ, ૧૬ દેશ અને ૪૭,૦૦૦ કિલોમીટરની યાત્રા કરી હતી. તેની આ યાત્રા ૧૮ મહિના પૂરી થઈ હતી. દયાલાને આ કારનામા માટે ઘણા એવોર્ડથી સન્માનિત કરવામાં આવ્યો છે. તેણે જે દેશોની યાત્રા કરી છે જેમાં ઈરાન, તુર્કી, સીરિયા, જોર્ડન, ઈજિપ્ત, ગ્રીસ, ઈટાલી, ફ્રાન્સ, યૂકે, કેનેડા અને યુએસ વગેરે શામેલ છે.