Gujarati News

Gujarati News

News of Friday, 20th November 2020

ટીમ ઈંડિયાના ફાસ્ટ બોલર મોહમ્મ્દ સિરાજના પિતાનું નિધન : સિરાજ હાલ ઓસ્ટ્રેલિયામાં ક્વોરેન્ટાઇન : અંતિમક્રિયામાં નહીં થઇ શકે સામેલ

મોહમ્મદ સિરાજની સફળતામાં તેના પિતાનો મોટો ફાળો : સિરાજે કહ્યું મારા પિતા મારા માટે ઓટો રિક્ષા ચલાવતા

મુંબઈ : ઓસ્ટ્રેલિયા પ્રવાસ માટે ટીમ ઇન્ડિયામાં પસંદગી પામેલા ફાસ્ટ બોલર મોહમ્મદ સિરાજના પિતા મોહમ્મદ ગૌસનું નિધન થયું છે,સિરાજના પિતા ફેફસાની બિમારીથી પીડિત હતા. મોહમ્મદ સિરાજને સેશન સત્ર પૂર્ણ થયા પછી આ મહિતી આપવામાં આવી હતી.જોકે મોહમ્મદ સિરાજ તેમના પિતાની અંતિમ ક્રિયામાં સામેલ થઇ શકશે નહીં.સિરાજ હાલ ઓસ્ટ્રેલિયામાં ક્વારન્ટાઇન છે જેથી તે પિતાની અંતિમ ક્રિયામાં સામેલ નહીં થઇ શકે.

સિરાજે જણાવ્યું કે મારા પિતા હંમેશાથી ઇચ્છતા હતા કે હું દેશનું નામ રોશન કરુ અને હું નિસંદેહપણે આમ કરીશ. તેણે વધુમાં જણાવ્યું કે મારા પિતા મારા માટે ઓટો રિક્ષા ચલાવતા હતા. તાજેતરમાં થયેલી ઇન્ડિયન પ્રીમિયર લીગમાં તેણે શાનદાર પ્રદર્શન કર્યું હતુ અને તેના પ્રદર્શનના કારણે જ તેની ઓસ્ટ્રેલિયા પ્રવાસ માટે પસંદગી થઇ છે

  અત્રે ઉલ્લેખનીય છે કે મોહમ્મદ સિરાજ ત્યારે ચર્ચામાં આવ્યો જ્યારે તેણે 2016-17ની રણજી સિઝનમાં 41 વિકેટ ઝડપી હતી. ત્યારબાદ સનરાઇઝર્સ હૈદરાબાદે તેને 2.6 કરોડ રૂપિયામાં ખરીદ્યો હતો. આ રૂપિયાથી સિરાજે તેના પિતા અને પરિવાર માટે મોટું મકાન ખરીદ્યું હતુ. આ પછી, સિરાજે વર્ષ 2017માં ભારત તરફથી ટી20 માં ડેબ્યૂ કર્યું હતુ અને 2019માં તેણે ઓસ્ટ્રેલિયા સામે વનડે ડેબ્યૂ પણ કર્યું હતું. જો કે, તે તેની પ્રતિભા મુજબ પ્રદર્શન કરી શક્યો નહીં. સિરાજની હાલની આઇપીએલ સીઝન સારી રહી હતી જેના કારણે તેની પસંગગી ઓસ્ટ્રેલિયા પ્રવાસ માટે થઇ છે. .

(10:25 pm IST)
  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST