Gujarati News

Gujarati News

News of Thursday, 20th September 2018

મધ્યપ્રદેશના ઇન્‍દોરમાં ફોક ડાન્‍સર-રિયાલીટી શોની કન્‍સ્‍ટેસ્‍ટન્‍ટ રૂપાલ નિરાપુર ઉપર તેના પાગલ પ્રેમીનો અેસીડથી હૂમલો

મધ્યપ્રદેશના ઈંદોરમાં ફોક ડાન્સર અને રિયાલિટી શોની કન્ટેસ્ટન્ટ પર પાગલ પ્રેમીએ એસિડ જેવા કેમિકલથી હુમલો કર્યો છે. આ દુર્ઘટનામાં 20 વર્ષીય કલાકારની આંખોને ભારે નુકસાન થયું છે. ડોક્ટર્સના મતે, રૂપાલી નિરાપુરની દ્રષ્ટિ 25 ટકા જેટલી નબળી પડી છે. રૂપાલી સાથે કોન્સર્ટ માટે અમેરિકા જવાની હતી, અમેરિકા જાય તેના થોડા કલાકો પહેલા જ તેની સાથે આ ઘટના ઘટી.

રૂપાલી વિશ્વભરમાં પરફોર્મ કરી ચૂકી છે અને ટીવી પર આવતા રિયાલિટી શોમાં પણ ભાગ લઈ ચૂકી છે. ડોક્ટર્સનું કહેવું છે કે, દુર્ઘટનામાં રૂપાલીના ચહેરા પર કોઈ નિશાન નથી પડ્યા પરંતુ આંખોની કોર્નિયાને એટલું નુકસાન થયું છે કે તેની દ્રષ્ટિ 25 ટકા નબળી પડી છે. લોકલ રિપોર્ટ મુજબ રૂપાલી પર એસિડ અટેક કરનારા શખ્સનું નામ મહેંદ્ર ઉર્ફે મોનુ સેન છે. મહેન્દ્ર રૂપાલી સાથે લગ્ન કરવા માગતો હતો અને ઘણીવાર રૂપાલીને આ વિશે કહ્યું પણ હતું. જો કે રૂપાલી દર વખતે તેની સાથે લગ્ન કરવાની ના પાડતી.

એસિડ અટેકની ઘટના CCTV કેમેરામાં કેદ થઈ છે. મોનૂ આશરે બપોરે 12:30 વાગ્યે રૂપાલીના ચહેરા પર એસિડ જેવી વસ્તુ ફેંકતો કેમેરામાં ઝડપાયો. રૂપાલીના પિતાના જણાવ્યા પ્રમાણે, “એક તરફી પ્રેમમાં પાગલ મોનૂએ રૂપાલીને મંગળવારે ફોન કર્યો. તેણે રૂપાલીને ઘરની બહાર મળવાની જિદ કરી.”

CCTV ફૂટેજમાં મોનૂને મોઢું ઢાંકેલો અને હાથમાં એક ગ્લાસ પકડેલો જોઈ શકાય છે. રૂપાલી જેવી પોતાના ઘરની બહાર નીકળી મોનૂએ તેના પર એસિડ જેવો પદાર્થ ફેંક્યો અને ત્યાંથી નાસી ગયો. જો કે પોલીસે મહેન્દ્ર ઉર્ફે મોનૂની ધરપકડ કરી છે. તેણે 20 રૂપિયાનું એસિડ ખરીદ્યું હોવાની કબૂલાત કરી છે.

(5:09 pm IST)
  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST

  • અંબાજીથી દર્શન કરી પરત આવતા ટેમ્પોમાં મોડાસાના ઝાલોદર પાસે પદયાત્રીઓના જનરેટર બ્લાસ્ટમાં થતા ૧પ થી વધુ પદયાત્રીઓ દાજયા : આ યાત્રીકો અંબાજી મહીસાગર જતા હતા ચાલુ ટેમ્પોએ પદયાત્રીઓ ટેમ્પોમાંથી કૂદયાઃ ઘાયલોને સારવાર માટે મોડાસા સાર્વજનિક હોસ્પિટલમાં ખસેડયા access_time 1:37 pm IST

  • મહિસાગર જિલ્લામાં સંતરામપુર - વીરપુર તા.માં સ્વાઈન ફલુના ૬ પોઝીટીવ કેસમાંથી ૩ના મોત : જીલ્લાના વીરપુરની મામલતદાર કચેરીના ૩ કર્મચારીને એક સાથે સ્વાઈન ફલુ થયેલ : બે કર્મચારીના મોત : ગુજરાતભરમાં ચારેકોર ડેન્ગ્યુ, વાયરલ અને સ્વાઈન ફલુ સહિતના રોગોનો ભરડો access_time 3:05 pm IST