Gujarati News

Gujarati News

News of Thursday, 20th September 2018

મર્જર માટે સરકારના રડાર ઉપર ૧૭ બેંકો

રોકાણકારોને બેંકોથી દૂર રહેવા નિષ્ણાંતોની સલાહઃ વિશ્લેષકોનું માનવું છે પીએનબી, કેનરા, યુબીઆઇ સાથે નબળી બેંકોનું મર્જર થશે

મુંબઇ તા.૨૦:  બેંક ઓફ બરોડા, વિજયા બેંક અને દેના બેંકના મર્જરની જાહેરાત પછી બીજી સરકારી બેંકોના એકત્રીકરણની અટકળો તેજ થઇ ગઇ છે. આના લીધે મોટી સરકારી બેંકોના શેરની કિંમતો પર દબાણ આવી શકે છે. બજારના વિશ્લેષકોનું કહેવું છે કે પીએનબી, કેનરા બેંક, યુનીયન બેંક ઓફ ઇન્ડિયાની સાથે બેંક મર્જરના બીજા દાવેદાર પણ હોઇ શકે છે.

વિદેશી બ્રોકરેજ કંપની સીએલ એસએનુ઼ કહેવું છે કે નબળી બેંકોની હાલત સુધારવા માટે સરકારી બેંકો વચ્ચે કોન્સોલીકેશન જરૃરી છે. જો કોઇ ખાસ ક્ષેત્રને ધ્યાનમાં રાખીને મર્જર કરવામાં આવે તો તેનાથી આમાં મદદ મળશે જો કે મર્જર અને બેલ આઉટની અટકળોને કારણે મોટી અને સારી સરકારી બેંકો પર દબાણ આવી શકે છે.

સરકારે ત્રણ બેંકોના મર્જરનો પ્રસ્તાવ સોમવારે રજુ કર્યો હતો. આ મર્જર પછી તે દેશની ત્રીજા નંબરની મોટી બેંક બની જશે. કહેવામાં આવે છે કે આના લીધે બાકીની ૧૭ સરકારી બેંકો વચ્ચે કોન્સોલીકેશનની ભુમિકા તૈયાર થશે. મેકવેરીમાં ફાઇનાન્સીયેલ સર્વિસીઝ રીસર્ચના હેડ સુરેશ ગણપતિએ જણાવ્યું, '' ત્રણ બેંકોના મર્જરની જાહેરાત પછી પીએનબી, કેનરા બેંક અને યુનિયનબેંક ઓફ ઇન્ડિયાને લઇને ચર્ચાઓ ગરમ થઇ છે. તેમની સાથે પણ નબળી બેંકોનું મર્જર થઇ શકે છે.'' તેમણે કહયું કે રોકાણકારોએ સરકારી બેંકોથી દૂર રહેવું જોઇએ. આ બેંકોને ફંડની અછત સાથે હવે કોન્સોલીકેશનનો પણ સામનો કરવો પડશે.(૧.૪)

(12:14 pm IST)
  • એક સાથે બે સિસ્ટમ્સ સક્રિય : આવતીકાલથી પંજાબ સહિત ૫ રાજયોમાં વરસાદી તાંડવની શકયતા: બંગાળના અખાત મધ્યે ડીપ ડીપ્રેશન બન્યુ છે : પશ્ચિમી હિમાલય ઉપર પણ મોટી હલચલ હવામાનને અસર કરશે : પંજાબ - દિલ્હી - હરિયાણા - ઉત્તરપ્રદેશમાં ભારે વરસાદ પડશે : ૧૫ દિવસ ચોમાસુ : છવાયેલુ રહેશે : આવતીકાલે ૨૧ થી ૨૪ વચ્ચે પંજાબ - હરિયાણાના અનેક વિસ્તારોમાં વરસાદ પડશે : કેટલેક સ્થળે ભારે વર્ષા access_time 3:20 pm IST

  • ગિરીમથક સાપુતારા ખાતે ગઈકાલે ધોધમાર વરસાદ : સાપુતારા ખાતે વરસાદ પડતા પ્રવાસીઓમાં ખુશીનો માહોલ : વરસાદના પગલે વાતાવરણમાં ઠંડક પ્રસરી access_time 12:26 pm IST

  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST