Gujarati News

Gujarati News

News of Thursday, 20th September 2018

લોકસભાની ચૂંટણી પહેલા વડાપ્રધાન નરેન્‍દ્રભાઇ મોદીની નમો અેપ મલ્ટી પર્પઝ પ્લેટફોર્મ રૂપે રજુઃ ટી-શર્ટ, કપ, નોટબુક, ટોપીની ખરીદી કરી શકાશેઃ રકમ ક્લીન ગંગા ફંડમાં જમા કરાશે

નવી દિલ્હી: 2019ની ચૂંટણી પહેલા પ્રધાનમંત્રી નરેંદ્ર મોદીની ‘નમો એપ’ને મલ્ટી-પર્પઝ પ્લેટફોર્મ રૂપે રજૂ કરાઈ છે. આ એપ પરથી ઈલેક્શન કેમ્પેઈન માટે વૉલન્ટીયરિંગ કરવાની સાથે થોડું થોડું દાન આપી શકાશે અને આ એપ પરથી વસ્તુઓ પણ ખરીદી શકાશે. એપના વેચાણ સેક્શનમાં ટી-શર્ટ, કપ, નોટબુક, ટોપી વગેરે વસ્તુઓ ઉપલબ્ધ છે. ભાજપના IT સેલના ચીફ અમિત માલવિયાએ કહ્યું કે, “યુવાનોને ધ્યાનમાં રાખીને વસ્તુઓની ડિઝાઈન તૈયાર કરાઈ છે. વસ્તુઓના વેચાણમાંથી મળેલી રકમ ક્લિન ગંગા ફંડમાં જશે.”

અમિત માલવિયાએ કહ્યું કે, “આ પ્લેટફોર્મના એક્ટિવ યૂઝર્સની સતત માંગને ધ્યાનમાં રાખીને ભાજપે એપ પર વોલન્ટિયર પ્લેટફોર્મ, વસ્તુઓનું વેચાણ અને નાના ડોનેશન જેવા 3 નવા ફીચર્સ લોન્ચ કર્યા છે.” એપ પર વેચાતી વસ્તુઓની કિંમત 150થી 500 રૂપિયા સુધીની છે. ભાજપના એર વરિષ્ઠ નેતાએ કહ્યું કે, “જનસંઘના સમયથી જ નાના દાન મેળવી પાર્ટીનો વિકાસ થયો છે. આ જ પરંપરાને અમે જાળવી રાખી છે અને હવે તો આના માટે ડિજિટલ પ્લેટફોર્મ પણ છે. માઈક્રો ડોનેશન ડોનરને ભાવનાત્મક રીતે ભાજપની વિચારધારા સાથે બાંધે છે. ડોનરને લાગે છે કે તે પણ દેશના વિકાસમાં ફાળો આપે છે.”

પક્ષના સૂત્રોએ દાવો કર્યો છે કે, એપ યૂઝર્સના ઉત્સાહને જોતાં એપમાં આ ફેરફારો કરવામાં આવ્યા છે. તેમનું માનવું છે કે આ ફેરફારો ચૂંટણી કેમ્પેઈનમાં મદદરૂપ સાબિત થશે. અમિત માલવિયાએ કહ્યું કે, “વોલન્ટીયર પ્લેટફોર્મ એવું માધ્યમ છે જ્યાં વિવિધ ટાસ્ક અને કાર્યક્રમો દ્વારા સ્વયંસેવકો પોતાનું યોગદાન આપી શકે છે. વોલન્ટીયર્સે ગેમિફિકેશન, પોઈન્ટ્સ, બેજ અને ઈન્સેન્ટીવ્સનો વ્યાપક ઉપયોગ કર્યો છે.” અત્યાર સુધી 10 મિલિયન લોકોએ નમો એપ ડાઉનલોડ કરી છે.

મન કી બાત, એક્ઝામ વોરિયર્સ, ન્યૂઝ, કનેક્ટ વીથ પ્રાઈમ મિનિસ્ટર અને અન્ય સેક્શનમાં આ નવા એડિશન કરવામાં આવ્યા છે. એક વખત યૂઝર સ્વયંસેવક તરીકે સાઈન ઈન કરે પછી ડિજિટલ વોલન્ટીયરિંગ અને ઓન ગ્રાઉંડ ટાસ્ક ઉપલબ્ધ થાય છે.

(10:03 am IST)
  • રાષ્ટ્રીય અધ્યક્ષ અમિતભાઈ શાહ ૨૨મીએ અમદાવાદની મુલાકાતે access_time 3:18 pm IST

  • સુરત:પાટીદાર સમાજના દિગ્ગજ ધીરુભાઈ ગજેરાનું કોંગ્રેસમાંથી રાજીનામુ:કોંગ્રેસ મોવડી મંડળથી નારાજ ગજેરાએ રાજીનામુન આપ્યું :હાલ ધીરુભાઈ ગજેરા કોંગ્રેસના પ્રદેશ ઉપાધ્યક્ષ : ભાજપના ધારાસભ્ય રહી ચૂક્યા છે ધીરુભાઈ ગજેરા :કોંગ્રેસમાંથી વિધાનસભા અને લોકસભાની ચૂંટણી લડ્યા હતાં access_time 9:53 pm IST

  • મહિસાગર જિલ્લામાં સંતરામપુર - વીરપુર તા.માં સ્વાઈન ફલુના ૬ પોઝીટીવ કેસમાંથી ૩ના મોત : જીલ્લાના વીરપુરની મામલતદાર કચેરીના ૩ કર્મચારીને એક સાથે સ્વાઈન ફલુ થયેલ : બે કર્મચારીના મોત : ગુજરાતભરમાં ચારેકોર ડેન્ગ્યુ, વાયરલ અને સ્વાઈન ફલુ સહિતના રોગોનો ભરડો access_time 3:05 pm IST