Gujarati News

Gujarati News

News of Tuesday, 20th April 2021

વાયરસને નષ્ટ કરવા પીપીઈ કીટ-માસ્ક માટેનું ફેબ્રિક તૈયાર

હિમાચલની IIT મંડીના વૈજ્ઞાનિકોનું સંશોધન : એક માસ્ક ૩૦ રૂપિયામાં તૈયાર થશે જ્યારે કીટના વિશેષ કાપડની કિંમત પ્રતિ સ્ક્વેર સેમી ૨.૫થી ૩ રૂપિયા હશે

નવી દિલ્હી, તા. ૨૦ : કોરોનાની બીજી લહેર વચ્ચે હિમાચલ પ્રદેશની આઈઆઈટી મંડીના વૈજ્ઞાનિકોએ પીપીઈ કીટ અને માસ્ક માટે એક એવું ફેબ્રિક તૈયાર કર્યું છે જે કોરોના વાયરસને નષ્ટ કરવામાં સક્ષમ હશે. આ પ્રકારના કાપડમાંથી બનેલું એક માસ્ક ૩૦ રૂપિયામાં તૈયાર થશે જ્યારે કીટના વિશેષ કાપડની કિંમત પ્રતિ સ્ક્વેર સેમી ૨.૫થી ૩ રૂપિયા હશે. આ ફેબ્રિકથી બનેલી કીટનો ઉપયોગ સાધારણ કપડાની જેમ વારંવાર કરી શકાશે. તડકામાં રાખવાથી આ મટીરિયલ પોતાની સફાઈ કરવા સક્ષમ બનશે.

આ ફેબ્રિકથી શ્વાસ લેવાની ક્ષમતામાં કોઈ ઘટાડો નહીં થાય. આઈઆઈટી મંડીની સ્કુલ ઓફ બેઝિક સાયન્સના સંશોધકોએ આ જોરદાર શોધ કરી છે. સંશોધન પ્રમાણે આ ફેબ્રિકથી બનેલી પીપીઈ કીટ અને માસ્કને ૬૦ વખત ધોવામાં આવે ત્યાર બાદ પણ તેની ઉત્તમ એન્ટીબેક્ટેરિયલ ક્ષમતા જળવાઈ રહેશે. આ ફેબ્રિકમાં મોલિબ્ડેનમ સલ્ફાઈડ, એમઓએસ૨ના નેનોમીટર આકારની શીટ સામેલ કરવામાં આવી છે. તેના ધારદાર કિનારા અને ખૂણા ચપ્પાની જેમ બેક્ટેરિયા અને વાયરલ પટલનો છેદ કરી તેને મારી નાખે છે.

નેનોનાઈફ મોડિફાઈડ ફેબ્રિકમાં ૬૦ વખત સુધી ધોવાયા બાદ પણ ઉત્તમ એન્ટીબેક્ટેરિયલ ક્ષમતા જોવા મળી હતી. પીપીઈ કીટ અને માસ્કના નિકાલમાં લાપરવાહીથી સંક્રમણ ફેલાવાનું જોખમ છે પરંતુ આ ફેબ્રિક આવા જોખમને ઘટાડે છે. આ ફેબ્રિકને ફક્ત આકરા તડકામાં રાખવામાં આવે એટલે તે સાફ થઈને ફરી પહેરવા યોગ્ય બની શકે છે.

(7:08 pm IST)
  • અરવિંદ કેજરીવાલના પત્નિને કોરોના : દિલ્હીના મુખ્યમંત્રી અરવિંદ કેજરીવાલના પત્નિ સુનિતા કેજરીવાલ કોરોના સંક્રમિત થયા છે : અરવિંદ કેજરીવાલ પણ કવોરન્ટાઈ થયા access_time 2:32 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના તમામ ઔદ્યોગિક ઝોન બુધ-ગુરૂ બે દિવસ બંધ રહેશે : કોરોનાની મહામારીની પરિસ્થિતિને ધ્યાનમાં લઈ તા. ૨૧ અને ૨૨ (બુધ - ગુરૂ) માટે શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના ઔદ્યોગિક ઝોનના તમામ ઍકમો બંધ રહેશે તેમ શાપર વેરાવળ ઈન્ડસ્ટ્રીયલ ઍસોસીઍશનના રમેશભાઈ ટીલાળા, રતિલાલ સાડરીયા અને કિશોરભાઇ પટેલે જણાવ્યુ છે access_time 1:04 pm IST