Gujarati News

Gujarati News

News of Saturday, 20th April 2019

તા.૯ મેથી કપાટ ખુલવાના છે ત્યારે

કેદારનાથમાં ૬ ફૂટ બરફ અને માઈનસ ૨ ડિગ્રી વચ્ચે ૧૫૦ મજુરો રસ્તો બનાવે છે

કેદારનાથઃ ચાર ધામોમાંના એક કેદારનાથ ધામના કપાટ તા.૯મેના રોજ ખુલવાના છે. ત્યારે મંદિર પરિસર સુધી યાત્રાળુઓ પહોંચી શકે તે માટે રસ્તા ઉપર જામેલ ૬ થી ૭ ફૂટના બરફના થરને હટાવવા તંત્ર દ્વારા ૧૫૦ મજુરોને કામે લગાડાયા છે. અહીં હાલ માઈનસ ૨ ડિગ્રી તાપમાન છે.

ગૌરીકુંડથી કેદારનાથ સુધીના પગદંડી માર્ગ ઉપર ૧૦૦ જેટલા મજુરો કામ કરી રહ્યા છે. રામબાડાથી રૂદ્રા પોઈન્ટ થઈને બેઝ કેમ્પ સુધીના ૧૦ કિ.મી. પગપાળા માર્ગ ઉપર ગ્લેશીયર ઝોનને છોડીને આખા રસ્તામાં ૬ ફૂટ બરફના થરને કાપીને રસ્તો બનાવાયો છે. અધીકારીઓના જણાવ્યા મુજબ આવતા અઠવાડીયા સુધીમાં મંદિર સુધી બરફ હટાવી રસ્તો ખોલી નાખવામાં આવશે.

(3:44 pm IST)
  • સંસદના બન્ને સદનમાં બહુમતી હાંસલ કર્યા બાદ ભાજપ ધારા-370 ખતમ કરશે :ભાજપના રાષ્ટ્રીય અધ્યક્ષ અમિતભાઇ શાહે એમ પણ કહ્યું હતું કે હાલની લોકસભા ચૂંટણીનો મુખ્ય મુદ્દો રાષ્ટ્રીય સુરક્ષા છે access_time 12:54 am IST

  • ન્યાય યોજના પર કોંગ્રેસને અલ્હાબાદ હાઇકોર્ટે નોટિસ ફટકારી :બે સપ્તાહમાં માંગ્યો જવાબ : અલ્હાબાદ હાઇકોર્ટે એક જનહિત અરજી પર સુનાવણી કરતા કોંગ્રેસની લઘુતમ આવક યોજના (ન્યાય ) ને લઈને પાર્ટી પાસેથી ખુલાસો અમનજીઓ ;અરજીકર્તાએ કોંગ્રેસના ચૂંટણી ઢંઢેરામાંથી લઘુતમ આવકની ગેરેંટીને હટાવવાની માંગ કરી access_time 1:05 am IST

  • હાર્દિક પર હુમલા અંગે સોશ્યલ મીડિયામાં ઉલટા-સુલટા મેસેજો ફરતા થયા : હાર્દિક પર હુમલો ભાજપના પ્રમુખ જીતુ વાઘાણીએ કરાવ્યાના સોશ્યલ મીડિયામાં ફરતા થયેલા સમાચાર બાદ હુમલો હાર્દિકે ખુદ પોતાના પર કરાવ્યાના પણ અહેવાલો ફરતા થયા : પોલીસ અધિકારીઓએ પ્રાથમિક તપાસમાં હજુ આવી કોઈ બાબત સામે આવ્યાનું નકાર્યુ access_time 3:54 pm IST