Gujarati News

જયપુર ભારતીય જનતા પાર્ટીએ ટોંક વિધાનસભા સીટ પર પોતાના ઉમેદવાર બદલીને ત્યાંના મુખ્યમંત્રી વસુંધરા રાજેના નજીકના તેમજ પીડબલ્યુડી મંત્રી યુનુસ ખાનને મેદાનમાં ઉતાર્યા છે. આ સીટ પર ખાનનો મુકાલબો કોંગ્રેસના પ્રદેશાધ્યક્ષ સચીન પાયલોટ સાથે થશે. બીજેપીએ અંતિમ સમયે પોતાની રાજનીતિમાં બદલાવ કરતા આ મુસ્લિમ બહુમતીવાળી સીટ પર સચીન પાયલટને ઘેરવાનો પ્રયાસ કર્યો છે

બીજેપીએ સોમવારે જાહેર કરેલ ઉમેદવારોના અંતિમ લિસ્ટમાં યુનુસ ખાનનું નામ ટોંક સીટથી સામેલ કર્યું છે. પાર્ટીએ આ પહેલા અહીંથી પોતાના હાલના ધારાસભ્ય અજિત સિંહ મેહતાને ઉમેદવાર બનાવવાની જાહેરાત કરી હતી. પરંતુ કોંગ્રેસ જ્યારે મુસ્લિમ બહુમતી ટોંક સીટથી પાયલટને ઉતારવાની જાહેરાત કરી, તો એ અટકળો પ્રબળ બની હતી કે, બીજેપી પોતાનો ઉમેદવાર બદલીને યુનુસ ખાનને ઉતારી શકે છે