News of Saturday, 19th September 2020
કાનપુર, તા.૧૯: ઉત્તર પ્રદેશના કાનપુરમાં એક અજબ પ્રેમની ગજબ કહાની સામે આવી છે. એક બીજા સાથે પ્રેમમાં પાગલ ત્રણ યુવતીઓ ઘર પરિવાર છોડીને એક સાથે રહેવા માટે ઘરેથી ભાગી ગઈ હતી. જોકે, ત્રણે યુવતીઓને પોલીસે ગાઝિયાબાદથી પકડી પાડી હતી. જેમાંથી બે યુવતીઓ એકબીજા સાથે લગ્ન કરવાની પણ વાત કરીને સાથે રહેવાની જીદ પકડીને બેઠી છે. આ બંને યુવતીનું કહેવું છે કે બંને એકબીજા સાથે રહેવા માંગે છે.
ચકેરી પોલીસ સ્ટેશન વિસ્તારમાં રહેનારી ૨૦ વર્ષીય યુવતી ૨ સપ્ટેમ્બર ૨૦૨૦એ ગાયબ થઈ ગઈ હતી. આ અંગે પરિવારના લોકોએ પોલીસને જાણ કરી હતી. પોલીસે ફરિયાદ નોંધીને તપાસ શરું કરી હતી. અને તેનું લોકેશન ગાઝિયાબાદ મળ્યું હતું. પોલીસનું કહેવું છે કે એક સાથે રહેતી ત્રણ યુવતીને પકડી પાડી છે. પકડાયેલી યુવતીઓ પૈકી બે કાનપુરની રહેવાશી છે અને એક યુવતી લખનૌની છે.
આ પૈકી એક યુવતી પરિવારજનોએ મનાવવા પર તેમની સાથે જતી રહી હતી. જયારે બે યુવતીઓ સાથે રહેવા માટે જીદ પકડીને બેઠી છે. પોલીસ સ્ટેશનમાં હાઈવોલ્ટેજ ડ્રામા ઊભો થયો હતો.
ઉત્તર પ્રદેશમાં યુવતીઓ વચ્ચે પ્રેમ પ્રસંગનો પહેલો મામલો સામે આવ્યો છે. ઓગસ્ટ મહિનામાં અયોધ્યામાં એક ઓગસ્ટ મહિનામાં આવો જ એક કિસ્સો સામે આવ્યો હતો. કાનપુરની રહેનારી યુવતી પોતાની માસીના દ્યરે સાહબગંજ મહોલ્લામાં આવતી હતી. આ દરમિયાન સાહબગંજમાં રહેનારી યુવતી એક અન્ય યુવતી સાથે પ્રેમ થયો હતો. બંને વચ્ચે બે વર્ષ સુધી પ્રેમ રહ્યો હતો. ત્યારબાદ બંને અચાકન લગ્ન કરતા બધાને જાણ થઈ હતી.
જયારે બંને અયોધ્યા પોલીસ સ્ટેશન પહોંચી તો એક યુવતી દુલ્હનની જેમ તો બીજી દુલ્હેરાજાની જેમ શ્રૃંગાર કર્યો હતો. પગની આંગળીઓમાં લગ્નની વિંટીઓ તો માથામાં સિંદુર અને હાથમાં મહેંદી હતી. પોલીસે જણાવ્યું કે બંને યુવતીઓના પરિવારના લોકો પણ આ લગ્નથી સહમત છે. એટલે યુવતીઓ પુખ્ત વયની છે અને બંનેના લગ્ન અંગે પરિવાર પણ સહમત હોવાના કારણે બંને એક બીજા સાથે રહેવા માટે સ્વતંત્ર છે.
અયોધ્યા ક્ષેત્રાધિકારી અમર સિંહના જણાવ્યા પ્રમાણે કાનપુરની એક યુવતી અહીં સાહબગંજ મહોલ્લામાં પોતાની માસીના ત્યાં રહેતી હતી. આ દરમિયાન બંને વચ્ચે પ્રેમ પાંગળ્યો હતો. બંને પુખ્ત છે અને પરિવારની સહમતિના આધારે બંનેએ લગ્ન કરી લીધા હતા.