Gujarati News

Gujarati News

News of Thursday, 19th July 2018

ઇન્‍ડિયન અમેરિકન દંપતિ શ્રી અમિત તથા શ્રીમતિ અર્પિતા ભંડેરીનું એકલ વિદ્યાલયને ૫૦ હજાર ડોલરનું ડોનેશનઃ એકલ સંચાલિત ડીજીટલ લિટરસી પ્રોગ્રામ અંતર્ગત ભારતના જરૂરિયાતમંદ બાળકોને મોબાઇલ બસ દ્વારા સ્‍થળ ઉપર જઇ કોમ્‍યુટર પ્રોગ્રામથી સજ્જ કરાશે

હયુસ્‍ટનઃ ભારતના છેવાડાના વિસ્‍તારોમાં વસતા જરૂરિયાતમંદ બાળકોને શિક્ષણ, વોકેશ્‍નલ ટ્રેનીંગ, ડીજીટલ ટ્રેનીંગ, એગ્રિકલ્‍ચર, સહિત વિવિધ ક્ષેત્રે મદદરૂપ થઇ પગભર કરતી સંસ્‍થા એકલ વિદ્યાલયને તાજેતરમાં ઇન્‍ડિયન અમરિકન દંપતિ શ્રી અમિત તથા શ્રીમતિ અર્પિતા ભંડેરીએ ૫૦ હજાર ડોલરનું ડોનેશન આપ્‍યું છે. જે ‘‘એકલ ઓન વ્‍હીલ્‍સ મોબાઇલ કોમ્‍યુટર લેબ્‍સ પ્રોગ્રામ'' માટે વપરાશે.

આ મોબાઇલ લેબ કોમ્‍યુટર પ્રોગ્રામ દ્વારા સોલાર પાવરથી ચાલતી બસમાં રાખવામાં આવેલ કોમ્‍યુટરો વડે સ્‍થળ ઉપર જઇ બાળકોને કોમ્‍યુટર જ્ઞાનથી સજ્જ કરવામાં આવે છે.

ઉલ્લેખનીય છે કે ૧૯૮૯ની સાલથી શરૂ કરાયેલ એકલ વિદ્યાલય દ્વારા અત્‍યાર સુધીમાં ભારતના સિતેર હજાર ગ્રામ્‍ય વિસ્‍તારોની સ્‍કૂલોમાં વોકેશ્‍નલ ટ્રેનીંગ, કોમ્‍યુટર ટ્રેનીંગ સહિત વિવિધ શિક્ષણ આપવામાં આવી રહ્યુ છે. જેનો અત્‍યાર સુધીમાં ૪ મિલીયન જેટલા બાળકો તથા ૧૦ મિલીયન જેટલા પરિવારો લાભ લઇ ચૂક્‍યા છે. તેવું IAN દ્વારા જાણવા મળે છે. 

(11:12 pm IST)
  • દેશના અર્થવ્યવસ્થા નજીકના ભવિષ્યમાં ચિંતાનો સામનો કરાવશે :ઉદ્યોગપતિ કુમાર મંગલમ બિરલાએ સચેત કરતા કહ્યું કે ક્રૂડતેલની વધતી કિંમત,વધતો ફુગાવો અને ચાલુ ખાતાની ખાદ્ય મુખ્ય ચિંતાનો વિષય છે access_time 12:55 am IST

  • દેશમાં છેલ્લા ત્રણ વર્ષમાં રાજદ્રોહના આરોપમાં 179 લોકોની ધરપકડ :માત્ર બે લોકોને દોષિત સાબિત કરી શકાયા :કેન્દ્રીય ગૃહ મંત્રલાય દ્વારા સંસદને ઉપલબ્ધ કરાયેલ આંકડા પરથી સ્પષ્ટ થયું કે રાજ્યોની પોલીસ આરોપીઓ વિરુદ્ધ દોષ સાબિત કરવામાં નિષફળ નીવડી છે access_time 1:00 am IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST