Gujarati News

જયપુરઃ સુપ્રીમ કોર્ટે જયપુર બોમ્‍બ બ્‍લાસ્‍ટ કેસમાં હાઈકોર્ટના આદેશ પર આંશિક સ્‍ટે આપતાં તપાસમાં બેદરકારીના આરોપોનો સામનો કરી રહેલા પોલીસકર્મીઓને રાહત આપી છે.બીજી તરફ બોમ્‍બ બ્‍લાસ્‍ટના આરોપીઓ અંગે કહેવામાં આવ્‍યું છે કે, જો આરોપીઓ બહાર આવશે તો રાજયના હિતનું રક્ષણ કેવી રીતે થશે. આવી સ્‍થિતિમાં, જેલમાંથી બહાર આવ્‍યા પછી પણ, આરોપીઓએ દરરોજ સવારે ૧૦ થી બપોરે ૧૨ વાગ્‍યાની વચ્‍ચે એટીએસ ઓફિસમાં હાજર રહેવું પડશે.

મામલાને ગંભીરતાથી લેતા કોર્ટે સૈફ અને સૈફુર રહેમાનને નોટિસ જારી કરવાનો આદેશ આપતા અંતિમ સુનાવણીની તારીખ ૯ ઓગસ્‍ટ નકકી કરી છે. કેવિયેટ દાખલ કરનાર ત્રણેય આરોપીઓ સુપ્રીમ કોર્ટમાં હાજર થઈ ચૂકયા છે. જસ્‍ટિસ અભય એસ. જસ્‍ટિસ ઓકા અને જસ્‍ટિસ રાજેશ બિંદલની ડિવિઝન બેન્‍ચે બુધવારે રાજસ્‍થાન હાઈકોર્ટના આદેશ સામે રાજય સરકારની અપીલને સુનાવણી માટે સ્‍વીકારતા આ આદેશ આપ્‍યો હતો.

કોર્ટે બોમ્‍બ બ્‍લાસ્‍ટ પીડિત પરિવારના બે સભ્‍યોની અપીલને સુનાવણી માટે સ્‍વીકારી લીધી છે. આ અપીલોમાં બોમ્‍બ બ્‍લાસ્‍ટના આરોપીઓને નિર્દોષ જાહેર કરવાના રાજસ્‍થાન હાઈકોર્ટના આદેશને પડકારવામાં આવ્‍યો છે.

આ સાથે જ સરકારની અપીલમાં પોલીસ મહાનિર્દેશકને તપાસમાં રહેલી ખામી અંગે પોલીસકર્મીઓ સામે પગલાં લેવા માટે આપેલા આદેશને રદ કરવા પણ વિનંતી કરવામાં આવી છે. જો બોમ્‍બ વિસ્‍ફોટના આરોપીઓ અન્‍ય કોઈ કેસમાં અંડરટ્રાયલ/દોષિત ન હોય તો, તેમના કેસમાં જામીન બોન્‍ડની શરતોનું ચુસ્‍તપણે પાલન કરવું જોઈએ કેસની તપાસમાં ખામી અંગે પોલીસ અધિકારીઓ સામે શિસ્‍તભંગના પગલાંના હાઇકોર્ટના આદેશના પાલન પર પ્રતિબંધ અંગે રાજય સરકારે એ સુનિﾍતિ કરવું જોઈએ કે સૈફ અને સૈફુર રહેમાનને નોટિસ આપવામાં આવે.આરોપી અન્‍ય કેસોમાં જામીન મેળવવા માટે હાઈકોર્ટના આદેશનો સહારો લઈ શકશે નહીં.

રાજય સરકારે ટ્રાયલ કોર્ટના રેકોર્ડ ઉપલબ્‍ધ કરાવ્‍યા હતા અને પેપર સહિત અન્‍ય દસ્‍તાવેજી તૈયારીઓ પૂર્ણ કરી હતી..

જયારે સુપ્રીમ કોર્ટે હાઈકોર્ટના આદેશ પર સંપૂર્ણ સ્‍ટે મૂકવાનો ઇનકાર કર્યો હતો, ત્‍યારે તેણે આરોપીઓ પર કેટલીક કડક શરતો લાદી હતી. ૯ ઓગસ્‍ટ સુધી સુનાવણી મુલતવી રાખતા કોર્ટે કહ્યું કે જો તે દિવસે સુનાવણી હાથ ધરવામાં નહીં આવે, તો રાજય સરકાર ક્રિમિનલ પ્રોસિજર કોડની કલમ ૩૯૦ હેઠળ આરોપીઓને મુક્‍ત ન કરવાના મુદ્દા પર દલીલ કરવા માટે સ્‍વતંત્ર હશે. એવું માનવામાં આવે છે કે મૃત્‍યુદંડનો મામલો હોવાથી તેને ત્રણ સભ્‍યોની બેંચ પાસે સુનાવણી માટે પણ મોકલવામાં આવી શકે છે. રાજય સરકાર વતી એટર્ની જનરલ આર વેંકટરામણી, વરિષ્ઠ એડવોકેટ મનીષ સિંદ્યવી અને એડવોકેટ સંદીપ ઝાએ જણાવ્‍યું હતું કે હાઈકોર્ટના આદેશનું પાલન કરીને આરોપીઓને છોડવા જોઈએ નહીં. તેઓને મોટી મુશ્‍કેલીથી પકડી શકાયા હતા. જો ધ્‍યાન ન રાખવામાં આવે તો તેઓ અદૃશ્‍ય થઈ જવાના ભયમાં છે. દ્યટનાના ૧૪ વર્ષ બાદ પણ ત્રણ આરોપી પકડાયા નથી. પીડિતા રાજેશ્વરી દેવી અને અભિનવ તિવારી વતી એડવોકેટ હાજર હતા.