News of Thursday, 19th April 2018

સુપ્રીમ કોર્ટના ચુકાદા બાદ એટ્રોસિટીની હળવી થયેલી જોગવાઇઓનો અમલઃ ફરિયાદોમાં મંજૂરી વગર આરોપીની અટકાયત ન કરવા પરિપત્ર

અમદાવાદઃ સુપ્રીમ કોર્ટના ચુકાદાને કારણે એટ્રોસિટી એક્ટની હળવી થયેલી જોગવાઈઓનો અમલ ગુજરાતમાં થઈ ચૂક્યો છે. રાજ્યમાં એક પછી એક તમામ જિલ્લા પોલીસ અધિક્ષકો પોતાના તાબા હેઠળના પોલીસસ્ટેશનોમાં એટ્રોસિટીની ફરિયાદોમાં મંજૂરી વગર આરોપીની અટકાયત ન કરવા પરિપત્રો કરી રહ્યા છે. ભરૂચ પોલીસ અધિક્ષક સંદીપસિંહે પોતાના જિલ્લાના તમામ થાણા અધિકારીઓને એટ્રોસિટી એક્ટ હેઠળના આરોપીઓની અટકાયતની કાર્યવાહીને લઈને પરિપત્ર દ્વારા આદેશો કર્યા છે. જેમાં ૨૦મી માર્ચે સુપ્રીમ કોર્ટે આપેલા ચુકાદાને ટાંકીને એટ્રોસિટી એક્ટ હેઠળની કાર્યવાહીમાં નિર્દોષ નાગરિકોની સંડોવણી ન થાય તે માટે આવી ફરિયાદોમાં પહેલાં તો ૭ દિવસની સમય- મર્યાદામાં પ્રાથમિક ઇન્કવાયરી પૂર્ણ કર્યા બાદ જ આગળ વધવા કહેવાયું છે. એટલું જ નહીં એટ્રોસિટીના ગુનામાં કોઈપણ વ્યક્તિની ધરપકડ કરવાની સ્થિતિ ઉત્પન્ન થાય ત્યારે આવી વ્યક્તિ જાહેર સેવક (સરકારી અધિકારી કે કર્મચારી) હોય તો તને નોકરી આપનાર સત્તા પરવાનગી આપે પછી જ અટકાયત કરવાની રહેશે. આરોપી જાહેર સેવક ન હોય તો પણ તપાસકર્તા અધિકારીએ બાકાયદા દરખાસ્ત કરીને મંજૂરી મેળવવી પડશે. આવી દરખાસ્ત મળ્યા પછી જ આરોપીની અટકાયત થઈ શકશે.

એટ્રોસીટી એક્ટને પડકારતી પિટિશનના સંદર્ભમાં સુપ્રીમકોર્ટે તેની જોગવાઈઓ હળવી બનાવતો ચુકાદો આપતા જ દેશભરમાં દલિતો સંગઠનો અને નેતાઓનો રોષ ફાટી નીકળ્યો હતો. મોટાપાયે બંધનું એલાન આપાવમાં આવેલું જેના પગલે સરકારે રિવ્યૂ પિટિશન ફાઈલ કરી. જો કે, સુપ્રીમકોર્ટે પોતાનો ચૂકાદો સુધારવાનો કે સ્ટે આપવાનો સ્પષ્ટ ઈનકાર કર્યો હતો. ૨૦મી માર્ચે સુપ્રીમના ચૂકાદા બાદ દેશભરમાં દલિતો, આદિવાસીઓમાં રોષ ભભૂકી રહ્યો છે.

ખુદ ભાજપના નેતાઓ જ એટ્રોસિટી એક્ટમાં ફેરફાર સામે નારાજગી દર્શાવી રહ્યા છે. 

(6:23 pm IST)
  • સલમાન ખાનના લોકપ્રિય રીયાલિટી શો Bigg Bossની 12મી સીઝનની તડામાર તૈયારી શરૂ થઇ ગઇ છે. ઓડિશન પણ ઓનલાઇન લેવામાં આવી રહ્યા છે. સલમાન ખાન સાથે હોસ્ટ તરીકે કેટરિના કૈફને પણ લેવામાં આવવાની હિલચાલ છે. સલમાન અને કેટની કેમિસ્ટ્રીનો ટીવી પરદે જોવા મળી શકે છે. બન્ને જણા એકબીજાની બિનધાસ્ત મજાક કરતા હોય છે. જે દર્શકોને વિશેષ મનોરંજન પુરુ પાડે છે. access_time 1:50 am IST

  • આખરે રાજ્યપાલે મહિલા પત્રકારની માફી માંગી : એક પ્રેસ કોન્ફરન્સમાં તમિલનાડુના રાજ્યપાલ બનવારીલાલ પુરોહિતે મહિલા પત્રકારના ગાલ થપથપાવતાં થયેલા વિવાદમાં છેવટે એમણે માફી માંગતા મામલો થાળે પડ્યો છે. મંગળવારે સાંજની આ ઘટના બાદ રાજ્યના પત્રકારોએ આ મામલે માફી માંગવાની માંગ કરતાં વિવાદ વધુ ઘેરાયો હતો. access_time 6:40 pm IST

  • યશવંતસિંહાએ નવો મોરચો ખોલ્યો : ર૧મી એ દિલ્હીમાં મોટો કાર્યક્રમ : કોંગ્રેસ, તૃણમૂલ કોંગ્રેસ, રાજદ, 'આપ', સમાજવાદી પાર્ટીના નેતાઓ જોડાશે : ભાજપના અસંતુષ્ટોને પર્ણ આમંત્રણ access_time 11:46 am IST