Gujarati News

Gujarati News

News of Tuesday, 19th March 2019

મસુદ અઝહરના સમર્થક ચીન સહિતના દેશની વસ્‍તુઓ અને લોકોનો રાજનૈતિક, સામાજિક અને આર્થિક બહિષ્‍કાર કરવો જોઇઅેઃ યોગગુરૂ બાબા રામદેવનું ટ્વિટ

દિલ્હી : જૈશ એ મોહમ્મદના મુખિયા મસૂદ અઝહરને વૈશ્વિક આતંકી તરીકે માન્યતા આપાવવાના ભારતના પ્રયાસમાં ચીન અડચણરૂપ બનતા દેશમાં ચીની વસ્તુઓ પર પ્રતિબંધ મુકવાની માંગ ઊઠી છે. આ માંગનો પડઘો ટ્વિટર પર સૌથી વધારે જોવા મળે છે. યોગગુરુ બાબા રામદેવ અને મેઘાલયના રાજ્યપાલ તથાગત રોયએ ટ્વિટર પર આ વિરોધનો મોરચો સંભાળ્યો છે.

યોગગુરુ બાબા રામદેવએ ટ્વિટ કરતાં કહ્યું છે કે મસૂદ અઝહરના સમર્થક ચીન સહિતના દેશની વસ્તુઓ અને લોકોનો રાજનૈતિક, સામાજિક અને આર્થિક રીતે બહિષ્કાર કરવો જોઈએ. ચીન વ્યાવસાયિક ભાષા જ સમજે છે, આર્થિક બહિષ્કાર યુદ્ધ કરતાં વધારે શક્તિશાળી સાબિત થાય છે.

જેઈએમ પ્રમુખ વિરુદ્ધ પ્રતિબંધો પર ચીનએ વીટોનો ઉપયોગ કરતાં મેઘાલયના રાજ્યપાલએ પણ ચીની ઉત્પાદનોના બહિષ્કારની વાત કરી હતી. તેમણે ટ્વિટમાં જણાવ્યું હતું કે મસૂદને પ્રતિબંધિત કરવાના સંયુક્ત રાષ્ટ્રના પગલાને ચીનએ ચોથી વખત અટકાવ્યા છે. આ સાથે જ ટ્વિટર પર ચીનની પ્રોડક્ટનો ઉપયોગ બંધ કરવાની ટ્વિટ સતત વધી છે. માત્ર ચીની વસ્તુઓ જ નહીં પરંતુ યૂઝર્સ ચીની એપ્લીકેશનને પણ ડિલીટ કરવાની વાત કરી રહ્યા છે. મહત્વપૂર્ણ છે કે ભારતમાં ખૂબ પ્રચલિત થયેલી ટિકટોક, યૂસી બ્રાઉઝર, બ્યૂટી પ્લસ જેવી એપનો પણ બહિષ્કાર કરવાની વાત કરવામાં આવી છે.

ઉલ્લેખનીય છે કે ડિસેમ્બર 2018ના એક રીપોર્ટ અનુસાર ગૂગલ પ્લે સ્ટોરમાંથી સૌથી વધારે ભારતમાં ઈન્સ્ટોલ થતી 100 એપ્લીકેશનમાંથી 44 એપ ચાઈનીઝ છે. આ આંકડો વર્ષ 2017માં માત્ર 18 હતો. એટલે કે 2017માં 100માંથી માત્ર 18 એપ જ ચાઈનીઝ હતી. આ વિવાદના પગલે કેટલાક યૂઝર્સ પોતાના ફોનમાંથી ચાઈનીઝ એપ પર અનઈસ્ટોલ કરવા લાગ્યા છે.

(12:00 am IST)
  • ભૈયુજી મહારાજ આત્મહત્યા કેસમાં મોટો ખુલાસો : તેમની સંપતિ હડપવાની હતી યોજના : દવાના નશામાં લખાવી હતી સ્યુસાઈડ નોટ : સેવાદાર વિનાયક અને શરદ આપતા હતા ધમકી : રેપ કેસમાં ફસાવવાની ધમકી આપતા હતા : આરોપીઓ પાસેથી કોરો ચેક મળ્યો access_time 6:04 pm IST

  • ઓડિસાના વેદાંત પ્લાન્ટમાં નોકરીની માંગ સાથે હિંસક પ્રદર્શન : કાલાહાંડી વેદાંત પ્લાન્ટમાં નોકરીની માંગ ઉગ્ર બની :એક સુરક્ષાકર્મી સહીત બે લોકોના મોત :સુરક્ષાકર્મી અને પ્રદર્શકારીઓ વચ્ચે ઘર્ષણ :30થી વધુ લોકો ઘાયલ access_time 1:04 am IST

  • ખોડલધામની મહિલા સમિતિમાં કોઈ વિવાદ નથી : શર્મીલાબેન બાંભણીયાએ તો ૩ મહિના પહેલા જ નિવૃતિ જાહેર કરી દીધી હતી : ખોડલધામ ટ્રસ્ટની મહિલા સમિતિમાં વિવાદ થયાના સમાચારો વહેતા થયા છે ત્યારે ખોડલધામ મહિલા સમિતિના જ એક સભ્યએ જણાવેલ કે મહિલા સમિતિમાં કોઈ વિવાદ છે જ નહિં, પ્રમુખ શર્મીલાબેન બાંભણીયાએ તો ૩ મહિના અગાઉ જ સમાધાન પંચમાં નિવૃતિ જાહેર કરી દીધી હતી આમ છતાં તેઓ હાલમાં પણ ટ્રસ્ટની સેવાકીય પ્રવૃતિઓમાં જોડાયેલા છે. તાજેતરમાં ખોડલધામની નવી કન્વીનરની ટીમની જાહેરાત કરવામાં આવી હતી. આમ મહિલા સમિતિમાં કોઇ જ વિવાદ ન હોવાનું સૂત્રોએ જણાવ્યુ હતું. access_time 3:23 pm IST