Gujarati News

Gujarati News

News of Tuesday, 19th January 2021

પ્રધાનમંત્રી નરેન્‍દ્ર મોદીએ મૃતકોના પરિવારજનો પ્રત્‍યે સંવેદના વ્‍યકત કરીને સહાયની જાહેરાત કરી

નવી દિલ્‍હી તા. ૧૯ : સુરતમાં કીમમાં માતેલા સાંઢની જેમ આવેલા ડમ્‍પરે ૧૫ લોકોને કચડ્‍યા હતા. મોડી રાત્રે બનેલો આ અકસ્‍માત એટલો ગંભીર હતો કે, રાતમાં મજૂરોની મરણચીસ અંધારામાં કોઈએ સાંભળી ન હતી. અકસ્‍માતમાં એક બાળક સહિત કુલ ૧૫ લોકોના મોત નિપજયાં છે. ત્‍યારે પ્રધાનમંત્રી મોદીએ સુરતમાં ટ્રક અકસ્‍માતને કારણે મજૂરોના કરૂણ મોત નીપજયા તે અંગે દુઃખ વ્‍યક્‍ત કર્યું. તેમણે ટ્‍વીટ કરીને કહ્યું કે, મારી સંવેદના શોકગ્રસ્‍ત પરિવારો સાથે છે. ઈજાગ્રસ્‍તો વહેલી તકે સ્‍વસ્‍થ થાય તે માટે ઇશ્વરને પ્રાર્થના. તો સાથે જ પીએમ મોદીએ મૃતકોના પરિવારજનો અને ઈજાગ્રસ્‍તોને સહાયની જાહેરાત કરી છે.

દેશના પ્રધાનમંત્રી નરેન્‍દ્ર મોદીએ મૃતકોના પરિવારજનો પ્રત્‍યે સંવેદના વ્‍યક્‍ત કરીને સહાયની જાહેરાત કરી છે. પીએમઓ દ્વારા મૃતકોના પરિવારજનોને ૨ લાખની સહાય કરવામાં આવશે. તો સાથે જ ઈજાગ્રસ્‍તોને ૫૦ હજારની મદદની જાહેરાત કરવામાં આવી છે.

(10:54 am IST)
  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST