Gujarati News

Gujarati News

News of Tuesday, 19th January 2021

લોકડાઉનમાં બ્રેકઅપ થયું, તો યુવકે 'દિલ તૂટા આશિક' નામનું કાફે ખોલ્યુ !

નવી દિલ્હી, તા.૧૯: સામાન્ય રીતે એવું કહેવામાં આવે છે કે પ્રેમમાં જેમને દગો મળે છે તેવા લોકો કાંતો સફળતાના શિખર પર પહોંચે છે અથવા તો બરબાદ થઇ જાય છે. આવા અનેક ઉદાહરણો પણ તમે જોયા હશે. જેમનું દિલ તૂટ્યું હોય તેવા લાકો માટેની રીતસરની એક ગિડલાઇન આપણી પાસે હોય છે. ત્યારે આજે અહીં આવા જ એક વ્યકિતની વાત કરવી છે. દહેરાદૂનના ૨૧ વર્ષના આ યુવકનું નામ છે દિવ્યાંશુ બત્રા, તેનું પણ દિલ તૂટી ગયું, શરુઆતમાં તો તેણે પણ પ્રેમમાં દગો મળેલા વ્યકિતની ગાઇડલાઇનનું પાલન કર્યુ પરંતુ બાદમાં પોતાની જાતને સંભાળી લીધી.

લોકડાઉનના સમયમાં જયારે આખી દુનિયા એકલતાનો સામનો કરી રહી હતી ત્યારે જ દિવ્યાંશુનુ બ્રેકઅપ થયું. તેનો આ પ્રેમ હાઇ સ્કૂલ વાળો હતો. તમને ખબર જ છે કે જયારે કોઇ વ્યકિતનું દિલ તૂટે છે ત્યારે માણસ ખાવાનું તો છોડી જ દે છે પણ સાથે અરીજીત સિંહના ગીતો સાંભળવાનું પણ બંધ કરી દે છે. દિવ્યાંશુના ૬ મહિના પણ આમ જ ગયા. તે ડિપ્રેસ થઇ ગયો અને પબજીની પાછળ પડી ગયો. પરંતુ બાદમાં એક દિવસ તેણે નવેસરથી જીવન શરૂ કરવાનો નિર્ણય કર્યો.

દિવ્યાંશુએ એક કાફે ખોલવાનો નિર્ણય કર્યો. કાફેનું નામ તેણે કંઇક અલગ જ રાખ્યું. એવું નામ જે જેમાં તેના તૂટેલા દિલની વાત હોય, એવું નામ જેની સાથે લોકો પોતાની જાતને કનેકટ કરી શકે. આ નામ છે 'દિલ તૂટા આશિક ચાય વાલા'. તેની મમ્મીએ તો તેનો સાથ આપ્યો પરંતુ તેના પપ્પાને આ નામ પસંદ નહોતું. તેવાં એક દિવસ કાફેમાં આવેલા એક વ્યકિતએ કાફેના વાતાવરણ અને ખાવાની પ્રશંસા કરી ત્યારે દિવ્યાંશુના પપ્પાને વિશ્વાસ થયો કે હું કંઇક સારૃં જ કરુ છું.

દિવ્યાંશે જણાવ્યું કે હું ઇચ્છુ છુ કે લોકો મારા કેફેમાં આવે અને તેમના બ્રેકઅપની વાતો શેર કરે. જેથી હું દુઃખમાંથી બહાર નિકળવામાં તેમની મદદ કરી શકુ. હું આ કામમાં સફળ પણ થઇ રહ્યો છુ.

(10:30 am IST)
  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST