Gujarati News

કોંગ્રેસના નેતા નવજોત સિંહ સિદ્ધુની મુશ્કેલીઓ પંજાબની અમરિંદર સિંહ સરકારની બહાર નીકળ્યા પછી પણ સમાપ્ત થઈ રહી નથી. તેમનું મંત્રી પદ ગયું, બંગલા ગયા, હવે તેમના  વિસ્તારના લોકોએ તેમને પૂછવાનું શરૂ કર્યું છે કે તેમણે ધારાસભ્ય તરીકે શું કર્યું છે. એવો આરોપ છે કે ચૂંટણી જીત્યા બાદથી તે પોતાના મત વિસ્તારના વિસ્તારોમાં પણ દેખાઈ પણ રહ્યા નથી. આ અંગે હાલમાં એક વિરોધ પણ શરુ થયો છે.

મીડિયા રિપોર્ટ્સ અનુસાર, સિદ્ધુ હવે તેમની જ પાર્ટીમાં સંપૂર્ણ રીતે અલગ દેખાઈ રહ્યા છે. તેની અસર તેના મત વિસ્તારના લોકોમાં પણ જોવા મળી રહ્યો છે, જ્યાં તેનો વિરોધ શરૂ થયો છે. અહેવાલો અનુસાર અમૃતસરના બટલા રોડ પર આવેલા ન્યુ પ્રિતનગરમાં તાજેતરમાં ધારાસભ્ય નવજોત સિંહ સિદ્ધુ અને કાઉન્સિલર જસવિન્દર વિરુદ્ધ ભારે હોબાળો થયો છે. લોકોમાં આક્રોશ છે કે તેમના વિસ્તારમાં વિકાસની કામગીરી ચાલી રહી નથી. નારાજ રહેવાસીઓનો આક્ષેપ છે કે 2017 માં ધારાસભ્ય બન્યા ત્યારથી સિદ્ધુએ તેમના વિસ્તારમાં પોતાનો ચહેરો બતાવ્યો નથી.