Gujarati News

નવી દિલ્હી તા. ૧૮ : શું તમે વિદેશી બ્રાન્ડના કપડા પહેરવાના શોખીન છો, તો હવે તમારે તેના માટે વધુ પૈસા ખર્ચવા પડશે. વાસ્તવમાં, સરકારે ૪૫ ટેકસટાઇલ પ્રોડકટ્સ પર ૨૦% આયાત ડ્યૂટી લાદ્યો છે. આ સંદર્ભમાં મંગળવારે નાણાં મંત્રાલય તરફથી સૂચના આપવામાં આવી છે.

કેન્દ્ર સરકારે બાંગ્લાદેશ, વિયેતનામ અને ચીની ટેકસટાઈલ મિલ સાથે સ્પર્ધા કરવા માટે સ્થાનિક કંપનીઓને મદદ કરવા માટે આ રાહત આપી છે. અગાઉ આયાત ટેકસટાઇલ પ્રોડકટ પર ૧૦% આયાત ડ્યૂટી આયાત કરવામાં આવશે. વધેલી આયાત ડ્યૂટી કાર્પેટ, જયુટ અથવા પેપર યાર્નથી બનાવેલ કપડાં પર પણ લાગુ થશે.

આયાત ડ્યૂટીના નવા દરો લાદ્યા પછી, વિદેશી બ્રાન્ડ્સની કિંમતમાં વધારો કરવાની ગણતરી કરવામાં આવી રહી છે. જો કે, આ કયારથી અમલમાં આવશે તે વિશે કોઈ તારીખ સૂચનામાં જણાવવામાં આવી ન હતા.

એવું માનવામાં આવે છે કે આ નવા દરોની જાહેરાત કરવામાં આવશે તે જ તારીખથી લાગુ થશે. આનો મતલબ એ થાય છે કે આ દરો આજથી એટલે મંગળવારથી લાગુ થઈ શકે છે.