Gujarati News

Gujarati News

News of Tuesday, 18th May 2021

રાજકોટમાં આજે ૨૮ મોતઃ નવા ૫૩ કેસ

કુલ કેસનો આંક ૪૦,૦૦૩ એ પહોંચ્યોઃ આજ દિન સુધીમાં ૩૮,૦૬૭ દર્દીઓ સાજા થયાઃ રિકવરી રેટ ૯૫.૨૮ ટકા થયોઃ સરકારની કોવિડ ઓડિટ કમિટીનાં રિપોર્ટ મુજબ ગઇકાલે ૨૭ પૈકી ૬ કોવિડ ડેથઃ સરકારી-ખાનગી હોસ્પિટલમાં કોરોનાની સારવાર માટે ૩૨૬૫ બેડ ખાલી

રાજકોટ તા. ૧૮: શહેર-જીલ્લામાં  છેલ્લા ૨૪ કલાકમાં કોરોનાની સારવાર દરમિયાન  ૨૮ નાં મૃત્યુ થયા છે. શહેરમાં બપોર સુધીમાં ૫૩ કેસ નોંધાયા છે.

આ અંગે તંત્રની સતાવાર વિગતો મુજબ રાજકોટમાં કોરોનાની સારવાર હેઠળ તા.૧૭નાં સવારનાં ૮ વાગ્યા થી તા.૧૮નાં સવારનાં ૮ વાગ્યા સુધીમાં છેલ્લા ૨૪ કલાકમાં શહેર-જીલ્લાના ૫૩ દર્દીઓએ દમ તોડી દીધો હતો.

 ગઇકાલે ૨૭ પૈકી ૬ મૃત્યુ કોરોનાને કારણે થયાનું સરકારની કોવિડ ઓડિટ કમિટીનાં રિપોર્ટમાં જણાવ્યુ હતુ.

શહેર અને જીલ્લામાં સરકારી-ખાનગી હોસ્પિટલમાં ૩૨૬૫ બેડ ખાલી છે.

નોંધનીય છે કે શહેરમાં કોરોનાનું  સંક્રમણ વધતા શહેર - જિલ્લાનું આરોગ્ય તંત્ર ફરી હરકતમાં આવ્યું છે અને ટેસ્ટીંગ વધાર્યું છે. કન્ટેન્ટમેન્ટ ઝોનની કામગીરીમાં ઝડપ લાવવામાં આવી છે. જેથી સંક્રમણને કાબુમાં લઇ શકાય.

બપોર સુધીમાં કોરોનાના ૫૩ કેસ

આ અંગે મ્યુ.કોર્પોરેશનની સતાવાર માહિતીમાં જણાવ્યા મુજબ આજે બપોરે ૧૨ વાગ્યા સુધીમાં   કુલ ૫૩ નવા કેસ સાથે શહેરમાં અત્યાર સુધીમાં કુલ  ૪૦,૦૦૩ પોઝીટીવ કેસ નોંધાઇ ચુકયા છે. જયારે આજ દિન સુધીમાં કુલ  ૩૮,૦૬૭ દર્દીઓએ કોરોનાને હરાવ્યો છે.

ગઇકાલે કુલ ૩૫૯૯ સેમ્પલ લેવાયા હતા.જેમાં ૧૧૯  કેસ નોંધાતા પોઝિટિવ રેટ ૩.૩૧ ટકા થયો  હતો. જયારે ૫૯૬ દર્દીઓે સાજા થયા હતા.

આજ દિન સુધીમાં ૧૧,૦૨,૨૦૯ લોકોનાં  ટેસ્ટ કરવામાં આવ્યા છે. જેમાંથી ૪૦,૦૦૩  સંક્રમીત થતા પોઝિટિવ રેટ ૯૫.૨૮ ટકા થયો છે.

(3:54 pm IST)
  • અમદાવાદમાં બે કલાકથી ભારે વરસાદ : ટ્રાફીક જામ : આ લખાય છે ત્યારે બપોરે ૩ વાગ્યે અમદાવાદમાં ભારે થી અતિભારે વરસાદ પડી રહ્ના છે : છેલ્લી બે કલાકથી વરસાદ ચાલુ છેઃ વાવાઝોડુ ‘તૌકતે’ અત્યારે અમદાવાદ પંથકમાંથી પસાર થઈ રહ્ના છે : રાજકોટ - અમદાવાદ હાઈવે ઉપર ચાંગોદર પાસે ૦ા-૦ા ફૂટ પાણી ભરાયા : જબ્બર ટ્રાફીક જામ access_time 3:17 pm IST

  • વેક્સીન માટે હજુ રાહ જાવી પડશે : સેન્ટરો ખોલવા માટે હજુ સુધી સરકારનો કોઈ આદેશ નહિં : રાજય સરકારે વાવાઝોડાને કારણે તા.૧૭ અને ૧૮ ઍમ બે દિવસ માટે કોરોના વેક્સીન મૂકવાના સેન્ટરો બંધ રાખવા આદેશ કરેલ : આ આદેશ બાદ હજુ સુધી વેક્સીન સેન્ટરો ખોલવા માટે કોઈ આદેશ નથી : નવો આદેશ આવે ત્યાં સુધી મનપા વેક્સીન સેન્ટરો ખોલશે નહિં access_time 4:58 pm IST

  • આજે પણ રાજકોટ શહેર - જિલ્લામાં કોરોનાની પરિસ્થિતિ માં ભારે રાહત : આજે સાંજ સુધીમાં રાજકોટ શહેરમાં 187 અને ગ્રામ્યના 103 કેસ સાથે કુલ ફક્ત 290 નવા કોરોના ના કેસ નોંધાયા access_time 7:49 pm IST