Gujarati News

નવી દિલ્હી/ગુરુગ્રામ: ટુંક સમયમાં કોઈ પણ ગાડીએ ટોલ પ્લાઝા પર ટોલ ટેક્સ ભરવા માટે ઉભું રહેવું નહી પડે. એવી વ્યવસ્થા કરવામાં આવશે કે, ગાડી ટોલ પ્લાઝા ક્રોસ કરશે તો જાતે જ તેના અકાઉન્ટમાંથી પૈસા કપાઈ જશે.

અત્યારે આ વ્યવસ્થા દક્ષિણ કોરિયામાં છે. મે મહિનામાં દક્ષિણ કોરિયાના રાષ્ટ્રપ્રમુખ ભારત આવવાના છે. તેમની સાથે ટોલની આ નવી વ્યવસ્થા સહિત અન્ય બીજા પણ MOU સાઈન કરવામાં આવશે.

આ જાણકારી કેન્દ્રીય માર્ગ પરિવાહન મંત્રી નીતિન ગડકરીએ સોમવારે ગુરુગ્રામના સેક્ટર 29માં એક હોટલમાં એક કાર્યક્રમ દરમિયાન આપી હતી.

ગુરુગ્રામથી થઈને દિલ્હીથી અલવર-સવાઈ માધોપુર-વડોદરાના રસ્તા મુંબઈ સુધી એક્સપ્રેસ હાઈવે બનાવવામાં આવશે, જેના પહેલા ફેઝના વડોદરાથી મુંબઈ સુધીના રસ્તાના લગભગ 44 હજાર કરોડના ટેન્ડર થઈ ચુક્યા છે. આ એક્સપ્રેસવે પર લગભગ એક લાખ કરોડ ખર્ચ થશે.