Gujarati News

Gujarati News

News of Wednesday, 17th October 2018

દેશના અેડવેન્‍ચર ટુરિઝમમાં મધ્યપ્રદેશ ટોપ ઉપરઃ પ્રવાસન ક્ષેત્રે ખૂબ જ વિકાસ

ભોપાલઃ જો તમને એડવેન્ચર પસંદ હોય અને વખતે દિવાળી વેકેશનમાં એકની એક જગ્યએ નહીં પણ અલગ જગ્યાએ ફરવા માગતા હોવ તો ગુજરાતની પાસે એક બેસ્ટ ઓપ્શન છે. હવે તમે મહારાષ્ટ્ર કે રાજસ્થાનનું વિચારો તે પહેલા અમે તમને કહી દઈએ કે બંનેમાંથી એકેય નહીં પણ મધ્યપ્રદેશ છે નવી જગ્યા. સામાન્ય રીતે આપણે મધ્યપ્રદેશનું નામ ટુરિઝમમાં ખાસ સાંભળતા નથી પણ તમને જાણીને આશ્ચર્ય થશે કે દેશમાં એડવેન્ચર ટુરિઝમમાં મધ્યપ્રદેશ ટોપ પર આવે છે.

એડવેન્ચર ટુરિઝમ જો તમારો શોખ હોય તો રાહ શું જુઓ છો

પાછલા થોડા વર્ષોમાં અહીં ટુરિઝમ મામલે ઘણો વિકાસ થયો છે. આજ કારણ છે કે આજે મધ્યપ્રદેશ ટુરિઝમ મામલે દેશમાં ટોપ આકર્ષણનું કેન્દ્ર બન્યું છે. અહીં તમને જંગલ સફારી, પેરા ગ્લાઇડિંગ, રિવર રાફ્ટિગં અને રોક ક્લાઇબિંગ જેવા અનેક એડવેન્ચર સ્પોર્ટ્સ ટ્રાય કરવા મળે છે. તો હવે રાહ શેની જુઓ છો દિવાળીએ થઈ જાય એક મધ્યપ્રદેશની ટૂર….

જંગલ સફારી

પોતાના જંગલોના કારણે મધ્યપ્રદેશ ખાસ બની જાય છે. અહીંના વાઇલ્ડ લાઇફ ડેસ્ટિનેશન તમને ભરપૂર રોમાંચ આપશે. મધ્યપ્રદેશમાં કુલ 9 નેશનલ પાર્ક છે. 6 ટાઇગર રિઝર્વ અને 25 જેટલી વાઇલ્ડ લાઇફ સેન્ચ્યુરી છે. જો તમે જંગલ સફારીના શોખીન છો તો અહીં તમને કાન્હા, પન્ના, સતપુરા, બાંધવગઢ અને પેંચ નેશનલ પાર્કમાં સફારી ટૂરનો આનંદ માણી શકો છો. તમે અહીં જીપ, કેટર અને હાથી પર સવારી કરીને સફારીનો આનંદ માણી શકો છો.

પેરાગ્લાઇડિંગ

પેરાગ્લાઇડિંગ એવા લોકોને વધુ પસંદ છે જે થોડું હટકે પ્રયોગ કરીને કંઈક એડવેન્ચર ટ્રાય કરવા માગે છે. પેરાગ્લાઇડિંગ તમને ખુલ્લા આકાશમાં એક પક્ષી જેવો અનુભવ કરાવે છે. જો તમે સાહસ માટે તૈયાર છો તો તમારી લાઇફનો એક ખાસ અનુભવ બની રહેશે. તો વધુ વિચારો નહીં થોડું સાહસ કરી લો અને મધ્યપ્રદેશની ટિકિટ બુક કરાવી લો. પેરાગ્લાઇડિંગની સુવિધા તમને ભોલાપ અને પંચમઢી બે શહેરોમાં મળશે. જોકે પંચમઢી એક હિલસ્ટેશન હોવાથી લોકોની પહેલી પસંદ છે. અહીં પેરાગ્લાઇડિંગ માટે બેસ્ટ સમય જાન્યુઆરીથી એપ્રીલ દરમિયાન છે.

રિવર રાફ્ટિંગ

રિવર રાફ્ટિંગનું નામ સાંભળતા લોકોના મનમાં તરત ઉત્તરાખંડના ઋષિકેશનું નામ આવે. પરંતુ તમને જાણીને આશ્ચર્ય થશે કે મધ્યપ્રદેશમાં પણ રાફ્ટિંગ થાય છે. મજા તમે અહીંના ઓરછા શહેરમાં આવેલ બેતવા નદીમાં લઈ શકો છો. 3 કિમીની રાફ્ટિંગ પૂર્ણ થવામાં લગભગ 45 મિનિટ જેટલો સમય લાગે છે. પરંતુ 45 મિનિટ તમને આખી જીંદગી યાદ રહેશે. ઓક્ટોબરથી એપ્રીલ વચ્ચે થતા રાફ્ટિંગનો ખર્ચ તમને 800થી લઈને 2000 સુધી પડી શકે છે.

રોક ક્લાઇબિંગ

જો રોક ક્લાઇબિંગનો શોખ હોય તો પંચમઢીમાં સારા ઓપ્શ છે. પંચમઢી મધ્યપ્રદેશનું ફેમસ હિલસ્ટેશન છે જે દરિયાની સપાટીથી 1100 મીટર ઉંચાઈ પર છે રોક ક્લાઇબિંગ દ્વારા તમને પહાડની ટોચ પર પહોંચીને અહીંથી દૂર દૂર સુધી ફેલાયેલ કુદરતી સૌંદર્યને નિહાળી શકો છો. જો વાત કરી માટે બેસ્ટ સીઝનની તો નવેમ્બરથી એપ્રીલ માટે બેસ્ટ છે. પંચમઢી ઉપરાંત પાતાલકોટ અને રાનેશ વોટરફોલ પહોંચીને પણ તમને રોક ક્લાઇબિંગ કરી શકો છો.

(6:03 pm IST)
  • ગાંધીનગરમાં બુધવારે મુખ્યમંત્રીની અધ્યક્ષતામાં કેબિનેટની બેઠક મળશે: સવારની જગ્યાએ સાંજે 6 વાગ્યે કેબિનેટની બેઠક યોજાશે : અછતગ્રસ્ત તાલુકાઓ અંગે નિર્ણય થવાની શક્યતા access_time 1:00 am IST

  • સુરત: લીંબાયતમાં બાળકીની હત્યાનો કેસ: પોલીસે આરોપીને જલ્દીથી પકડવા માટેનુ આશ્વાસન અપાતા પરિવાર દ્વારા બાળકીનો મૃતદેહ સ્વીકારાયો:બે દિવસમાં આરોપીને નહિ પકડવામાં આવે તો બાળકીની અસ્થિ સાથે રેલી કાઢી પોલીસ કમિશનર કચેરીએ ધરણા કરવાની ચીમકી access_time 1:17 am IST

  • વાડીનારના ભરાણા ગામે બે જૂથ વચ્ચે અથડામણ :યુવાનની હત્યા ;પોલીસ ઘટના સ્થળે પહોંચી :ગામમાં ભારેલો અગ્નિ : access_time 8:34 pm IST