Gujarati News

મુંબઈ : બોમ્બે હાઈકોર્ટે શુક્રવારે મહારાષ્ટ્રના પ્રધાન નવાબ મલિક અને ભૂતપૂર્વ ગૃહ પ્રધાન અનિલ દેશમુખની 20 જૂને એમએલસી ચૂંટણીમાં મતદાન કરવાની પરવાનગી માંગતી અરજીને ફગાવી દીધી હતી.

નવાબ મલિક અને અનિલ દેશમુખને બોમ્બે હાઈકોર્ટનો ઝાટકો, એમએલસીની ચૂંટણીમાં મતદાન કરવાની મંજૂરી નથી.તેવા કારણ સાથે નામદાર કોર્ટે તેમની અરજી ફગાવી દીધી હતી. રાષ્ટ્રવાદી કોંગ્રેસ પાર્ટીના નેતાઓ મલિક અને દેશમુખ હાલમાં જ્યુડિશિયલ કસ્ટડીમાં જેલમાં છે

જસ્ટિસ એનજે જામદારે ગુરુવારે તમામ પક્ષકારોની વિગતવાર દલીલો સાંભળી અને કહ્યું કે શુક્રવારે ચુકાદો સંભળાવવામાં આવશે. સુનાવણી દરમિયાન, મલિક તરફથી હાજર રહેલા વરિષ્ઠ વકીલ અમિત દેસાઈએ રજૂઆત કરી હતી કે મંત્રીનો કેસ મતદાન માટે ન્યાયિક કસ્ટડીમાં હોય ત્યારે સુરક્ષા કવચ હેઠળ જવા દેવાની  વિનંતી કરી હતી.

સુનાવણી દરમિયાન દેસાઈએ કહ્યું હતું કે જો કે લોકપ્રતિનિધિત્વ અધિનિયમની કલમ 62(5) જેલમાં લોકોને મતદાન કરવા માટે પ્રતિબંધિત કરે છે, પરંતુ આવા પ્રતિબંધો સુરક્ષા વ્યવસ્થા અને જેલમાં જેવી ભૌતિક સમસ્યાઓને કારણે છે. તેવું એચ.ટી.એચ.દ્વારા જાણવા મળે છે.