Gujarati News

 લંડન,તા.૧૭ : તમે ઘણા પ્રકારના વૃક્ષો અને છોડ જોયા જ હશે. કેટલાક છોડ દેખાવમાં ખૂબ જ સુંદર લાગે છે. અને તેમાંના કેટલાક ખૂબ જોખમી છે. તે ઍટલા ઝેરી હોય છે કે સંપર્કમાં આવવાથી વ્યક્તિની ત્વચા બળી જાય છે. આટલું જ નહીં ત્વચા પર જાડી ફોડલીઓ પણ જોવા મળે છે. 
 આવો જ ઝેરી હોગવીડ નામનો ઍક છોડ છે. તેના સંપર્કમાં આવવાથી ત્વચા સેકન્ડ ડીગ્રી બર્નની જેમ બળી જાય છે. બ્રિટનમાં, ઍક છોકરી પાર્કમાં આ છોડની ઝપેટમાં આવી ગઈ. આ પછી તેની ત્વચા ખરાબ રીતે દાઝી ગઈ હતી. તેની ત્વચામાં ફોડલા હતા, જેના પછી તેને તાત્કાલિક હોસ્પિટલમાં દાખલ કરવી પડી હતી.
 બ્રિટનમાં ઍક ચાર વર્ષની બાળકી ઍક મોટા છોડને સ્પર્શ કરવાથી ગંભીર રીતે દાઝી ગઈ છે. છોકરી બોલ્ટનના હાર્વુડમાં લોંગસાઇટ પાર્કમાં રમી રહી હતી, ત્યારે તેણે ખતરનાક જંગલી ફૂલોના છોડને સ્પર્શ કર્યો. તેના હાથ પર ગંભીર ફોલ્લા પડ્યા હતા. ત્યાર બાદ તેને તાત્કાલિક સારવાર માટે હોસ્પિટલ લઈ જવામાં આવી હતી.
 ઍક રિપોર્ટ અનુસાર, છોકરી હાર્ડી મિલ  પ્રાઈમરી સ્કૂલમાં અભ્યાસ કરે છે. આ ઘટના ૪ જૂનની કહેવાય છે. આ અકસ્માત બાદ શાળાઍ અન્ય વાલીઓને આ અંગે માહિતી આપતા ફોટો શેર કર્યો હતો. શાળાઍ કહ્નાં કે ઍક બાળકી ખતરનાક છોડની ઝપેટમાં આવ્યા બાદ આવી સ્થિતિ બની હતી. આ માસૂમ સેકન્ડ ડીગ્રી બળી જતાં તેની હોસ્પિટલમાં સારવાર ચાલી રહી છે.
 વિશાળ હોગવીડ મોટા બર્નનું કારણ બની શકે છે કારણ કે તેના ઝેર ત્વચામાં ઊંડે સુધી જાય છે અને તે સૂર્યપ્રકાશને જે રીત પ્રતિક્રિયા આપે છે તેને બદલીને ત્વચાને નુકસાન પહોંચાડી શકે છે. ઝેરી રસાયણો, જેને ફ્યુરાનોકોમરિન કહેવાય છે, તે પ્રતિક્રિયા પેદા કરે છે જે બળતરાનું કારણ બને છે. આ તકલીફ સૂર્યપ્રકાશના કારણે રસના સંપર્કમાં આવ્યા પછી તીવ્ર દુખાવો, લાલાશ અને ફોલ્લાઓ સાથે ઉભી થાય છે.