Gujarati News

ન્યુયોર્કઃ અમેરીકામાં હનુમાનજીના ભકતો માટે ખુબ જ સારા સમાચાર છે. ડેલોવેયર પ્રાંતમાં સોમવારે ભગવાન હનુમાનજીની ૨૫ ફુટ ઉંચી મૂર્તિ સ્થાપીત કરાઇ છે. હોકેસીન શહેરમાં લાગેલ આ મૂર્તિના નિર્માણ પાછળ લગભગ ૧ લાખ ડોલર (૭૬ લાખ)નો ખર્ચ થયો છે. જેનું નિર્માણ ભારતના વારંગલ શહેરમાં થયું છે. મૂર્તિ ગ્રેનાઇટમાંથી તૈયાર કરાવાઇ છે. જેનુ વજન ૩૦ હજાર કિલો છે. હનુમાનજીની મૂર્તિની પ્રાણ પ્રતિષ્ઠા માટે બેંગ્લુરૂથી ખાસ પુજારી નાગરાજ ભટ્ટને બોલાવાયેલ. ડેલાવેયર હિન્દુ મંદિર સંગઠનના અધ્યક્ષ શર્માએ જણાવેલ કે કોરોનાના કારણે સિમિત સંખ્યામાં લોકોને સ્થાપનામાંં આમંત્રણ અપાયેલ. હવે પછી લોકોને દર્શન માટે આમંત્રણ  અપાશે.