Gujarati News

Gujarati News

News of Tuesday, 17th April 2018

હવે યુપીમાં 'કઠુઆકાંડ': ૮ વર્ષની બાળકીનો રેપ કરી હત્યા!

લગ્ન પ્રસંગમાં આવેલી બાળકી સાથે દુષ્કર્મ કરી ગળુ દબાવીને હત્યા કરાઇઃ ૧૮ વર્ષના આરોપીની ધરપકડઃ બાળકીના મૃતદેહને પોસ્ટમોર્ટમ માટે મોકલાયુ

એટા તા. ૧૭ : જમ્મુ-કાશ્મીરના કઠુઆમાં ૮ વર્ષની બાળકી સાથે રેપ કરી તેની બર્બર હત્યા કરવા સમાન મામલો હવે યુપીના એટામાં સામે આવ્યો છે. કઠુઆ અને સુરત બાદ હવે એટામાં પણ આઠ વર્ષની માસુમ બાળકી સાથે રેપ કરીને હત્યાનો મામલો સામે આવ્યો છે.

સૂત્રોના જણાવ્યા મુજબ આ ઘટના ગઇકાલે મોડી રાતની છે. પીડિત બાળકી પોતાના પરિવારની સાથે એક લગ્ન સમારોહમાં સામેલ થવા આવી હતી. આ દરમિયાન આરોપીએ દારૂના નશામાં પહેલા માસુમનું અપહરણ કર્યું અને રેપ બાદ તેની ગળું દબાવીને હત્યા કરીને ઘટના સ્થળેથી ફરાર થઇ ગયો. ઘટના બાદ પોલીસ ઘટના સ્થળે પહોંચી અને આરોપીની ધરપકડ કરી છે.

સૂત્રોના જણાવ્યા મુજબ આરોપી લગ્ન સમારોહમાં ટેન્ટ લગાવાનું કામ કરે છે. આરોપીએ પહેલા બાળકીનું અપહરણ કર્યું અને રેપ કરીને દોરડાથી ગળુ દબાવીને તેની હત્યા કરી નાખવામાં આવી.

પોલીસના જણાવ્યા મુજબ ઘટના સ્થળે તે સમયે લગ્નની વિધિ ચાલી રહી હતી અને ઘરમાં તેજ મ્યુઝીક પણ વાગી રહ્યું હતું. દરેક લોકો લગ્નના રિવાજમાં વ્યસ્ત હતા. સૂત્રોના જણાવ્યા મુજબ લાંબા સમય સુધી બાળકી જ્યારે પરિજનોને જોવા મળી નહી, તો તેઓને તેની શોધખોળ શરૂ કરી અને પોલીસે આરોપીની ધરપકડ કરી અને મૃતદેહ પોસ્ટમોર્ટમ માટે મોકલ્યો છે.(૨૧.૨૨)

 

(3:57 pm IST)
  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST