Gujarati News

નવી દિલ્હી,તા. ૧૭ : પશ્ચિમી સરહદ પર પાકિસ્તાનની સાથે એરકોમ્બેટ ઓપરેશન્સમાં વૃદ્ધિની વચ્ચે છેલ્લા ૭૨ કલાકમાં એકબાજુ ભારતના ફાઇટર જેટ્સે પાંચ હજાર ઉડાણ ભરી છે. બીજી બાજુ હવાઇ દળે ફાઇટર જેટ્સ વિમાનોને પૂર્વીય સરહદ પર મોકલી દેવાની શરૂઆત કરી દીધી છે. હવાઇ દળે ફરી એકવાર લડાખતી ચીન સરહદ પર અરૂણાચલ પ્રદેશમાં તાકાતમાં વધારો કરી દીધો છે. હકીકતમાં આ ગગનશક્તિ અભ્યાસના એક હિસ્સા તરીકે છે. અત્રે નોંધનીય છે કે ભારત બે બાજુથી વિદેશી સરહદ પર પોતાની સૈન્ય શક્તિમાં સંતુલન જાળવી રાખવાના પ્રયાસમાં છે. સરહદ પર સૌથી ખરાબ હાલત ટ્રુ ફ્રન્ટ વોરની સ્થિતીમાં થઇ શકે છે. એ વખતે સેનાને પશ્ચિમી અથવા તો પૂર્વીય સરહદ પર મોકલી દેવાની જરૂર હોય છે. છતાં ભારતીય હવાઇ દળની પૂર્ણ વોર મશીનરી હાલમાં પેન ઇન્ડિયા એક્સરસાઇંઝ ગગન શક્તિમાં મુકવામાં આવી છે. એક વરિષ્ઠ અધિકારીએ માહિતી આપતા કહ્યુ છે કે તે વર્ષ ૧૯૮૬-૧૯૮૭ના ઓપરેશન બ્રાસસ્ટેક્સ  અથવા તો ૨૦૦૧-૨૦૦૨મા ંઓપરેશન પરાક્રમ બાદ થયેલા સૌથી મોટા ઓપરેશન તરીકે છે. એ વખતે બારત સંસદ પર હુમલા બાદ પાકિસ્તાન સાથે યુદ્ધની તૈયારીમાં હતુ. પાકિસ્તાન અને ચીન સરહદ પર સંભવિત ખતરાને ધ્યાનમાં લઇને ઓછામાં ઓછા ૪૨ ફાઇટર સ્કવાડ્રોન્સની જરૂર રહે છે. પરંતુ હજુ સુધી કાફલામાં માત્ર ૩૧ હોવા છતાં હવાઇ દળ આને લઇને તમામ તૈયારી કરી રહી છે. સરહદ પર ૧૧૫૦ જવાનો, વિમાનો, હેલિકોપ્ટર અને ડ્રોનની સાથે સાથે સેંકડો એર ડિફેન્સ મિસાઇલ, રડાર, નજર રાખવા માટે અન્ય એકમો હાઇ વોલ્ટેજ અયાસ માટે તૈનાત કરવામાં આવી છે. આ કવાયત આર્મી અને નેવીની સક્રિય ભાગીદારીની સાથે કરવામાં આવી રહી છે. ભારતીય હવાઇ દળે જરૂર પડવાની સ્થિતીમાં ૮૩ સેવાક્ષમતાને હાંસલ કરવા માટે પણ વ્યવસ્થિત રીતે કામ કર્યુ છે. જ્યારે હિન્દુસ્તાન એયરોનોટિક્સ અને બેઝ રિપેર જેવી સંરક્ષણ જાહેર યુનિટોની સાથે સાથે શાંતિના સમયમાં ૫૫થી ૬૦ ટકા સુધી સેવાક્ષમતા હાંસલ કરવામાં આવી છે. લશ્કરી કવાયતના ભાગરૂપે જુદી જુદી ક્ષમતાને હાંસલ કરવા પર ખાસ ભાર મુકવામાં આવ્યો છે. લશ્કરી તાકાતમાં વધારો કરવા માટેની દિશામાં પણ આ એક પહેલ તરીકે છે. લશ્કરી કવાયતમાં મોટી સંખ્યામાં ટોપના અધિકારીઓ સામેલ થઇ રહ્યા છે. સાથે સાથે જવાનો તેમની કુશળતાનો પરિચય આપી રહ્યા છે.

નોન સ્ટોપ મિશન પર વિશેષ ભાર મુકાયો છે

ઇમરજન્સીની સ્થિતીને લઇને તૈયારી

                   નવી દિલ્હી,તા. ૧૭ : ગગનશક્તિ કવાયતના ભાગરૂપે મુખ્ય રીતે આ વખતે નોન સ્ટોપ મિશન પર ખાસ ધ્યાન આપવામાં આવી રહ્યુ છે. આધુનિક લડાઇમાં હવાઇ દળની જોરદાર અને ચાવીરૂપ ભૂમિકા હોય છે. આધુનિક લડાઇમાં હવાઇ દળની શ્રેષ્ઠતા અને લચીલાપણાના ઉપયોગની વ્યવસ્થા કરવામાં આવી છે. સુખોઇ-૩- એમકેઆઇમાં ફ્યુઅલ ભર્યા વગર ૧૫૦૦ કિલોમીટર સુધી એક રાઉન્ડની હદ પૂર્ણ કરવામાં આવી શકે છે. દાખલા તરીકે પૂર્વીય એરબેઝથી પશ્ચિમી એરબેઝના અંતરને કવર કરવામાં આવી શકે છે. આ રીતે ઇમરજન્સીની સ્થિતીમાં કોઇ પણ અટકાયત વગર મિશન નોનસ્ટોપ ચલાવવામાં આવી શકે છે. આ વખતની લશ્કરી કવાયતની કેટલીક  ખાસ બાબતો પણ રહેલી છે. પાકિસ્તાન અને ચીન જેવા પડોશી દેશોની નજર પણ ભારતની કવાયત પર રહેલી છે. કારણ કે હાલમાં બન્ને દેશોની ભારત સાથે ખેંચતાણ રહી છે. આવી સ્થિતીમાં ભારત દ્વારા તમામ ગતિવિધી પર હવે નજર રાખવામાં આવી રહી છે. ચીનની રણનિતી પર પણ નજર રાખવામાં આવી રહી છે.